Naaalala n'yo pa ba ang unang beses na magkaroon kayo ng crush? Ang sarap ng feeling at nakakakilig ‘di ba? Ganyan ang nararamdaman ng mag-inang sina Emily at Candy na bibigyang-buhay nina Carmi Martin at Thea Tolentino sa Dear Uge ngayong Linggo, December 4.
Hindi mapakali at tila nawawala sa sarili si Candy tuwing nakikita ang guwapong schoolmate niya na si Russ. Samantala, pareho rin ang nararamdaman ng kanyang mommy Emily kahit buntis ito at malapit na manganak. Hindi kasi nito mapigilan magpapansin sa guwapong nurse na nag-a-assist sa kanya.
Dahil sa kanilang crush, parehong blooming at inspired ang mag-ina. Pero, paano kaya ang mangyayari kung malaman nina Emily at Candy na iisang tao lang pala ang crush nila?
Huwag palampasin ang kuwentuwaang ito ngayong Linggo, December 4, sa Dear Uge pagkatapos ng Sunday PinaSaya.
