Around GMA

Article Inside Page

Nagdiwang noong August 17 ng kaniyang 46th birthday ang Kapuso TV host na si Carmina Villarroel, at sa birthday celebration niya sa Sarap 'Di Ba? 'di niya napigilang maiyak nang tanungin siya ng asawang si Zoren Legaspi tungkol sa isang taong malapit sa kanya.

Tinanong kasi ni Zoren si Carmina kung ano ang nami-miss niya sa kanyang yumaong ina na si Carmen Muñiz-Villarroel.

"Siguro, kung paano niya ako alagaan, especially when I'm sick,” sagot ni Carmina. “Siguro kasi now that I'm a mother, na-realize ko 'yung importance of having a mom."

Ayon pa kay Carmina, marami siyang hindi nagawa kasama ang kanyang nanay.

"Si Mommy Menchu left us. Ako kasi I was very young din eh so ang dami kong hindi nagawa with Mommy Menchu.”

Si Carmina Villarroel at ang kaniyang pamilya sa kanyang birthday celebration sa 'Sarap 'Di Ba?' / Source: Sarap 'Di Ba?

At isa raw talaga sa nami-miss niya ay ang yakap ng kanyang Mommy Menchu.

“'Yung pag-aalaga niya sa akin especially when I'm sick or her just being there. Siguro as you grow older you don't really need to talk, but 'yung yakapin ka lang niya."

Nagbigay naman ng comforting words ang anak ni Carmina na si Mavy Legaspi.

“At least nasabi ni mommy 'yun, there are things na hindi niya nagawa.

“But as a son I can say nagawa niya ang lahat as a mother. So I'm very proud of you as my mother.

"I'm very sure that Mommy Menchu is looking down on you and saying that you're doing a great job because lahat ng nagawa niya, nagagawa mo and more."

Panoorin ang touching birthday celebration ni Carmina sa Sarap 'Di Ba? video sa ibaba.

Silipin ang buhay ng Legaspi family ngayong quarantine sa gallery na ito.