Around GMA

Article Inside Page

Hindi pinalagpas ng kambal na magkapatid na sina Cassy Legaspi at Mavy Legaspi ang premiere ng Stories from the Heart: The End Of Us na pinagbibidahan ng kanilang mga magulang na sina Carmina Villarroel at Zoren Legaspi.

Ito ang unang Kapuso serye ng mag-asawa kung saan sila ay magkatambal kaya naman very proud and excited sina Cassy at Mavy sa proyektong ito ng kanilang parents.

Proud #ZorMina fan nga ang dalawa sa kanilang social media posts bilang pagsuporta sa pilot episode ng nasabing series.

Sa kanilang Instagram stories, ipinakita ng dalawa ang video ng ilang mga nakakakilig na eksena nina Carmina at Zoren sa The End Of Us.

Natuwa rin si Cassy sa ilang linya ng kaniyang tatay Zoren sa eksena ng ligawan stage ng mga karakter ng #ZorMina bilang sina Maggie Corpuz at Jeffrey Guevarra.

Pinuri naman ni Mavy ang ganda ng kanyang nanay Carmina.

Sa Twitter, napa-tweet din si Cassy dahil sa paghanga sa husay ng kanilang mga magulang.

Samantala, kasalukuyan namang napapanood si Mavy sa GMA primetime series na I Left My Heart In Sorsogon, nakatakda ring magbalik teleserye si Cassy sa season 2 ng First Yaya na First Lady.

Panoorin ang Stories from the Heart: The End Of Us, Lunes hanggang Biyernes, 3:25 ng hapon pagkatapos ng Las Hermanas sa GMA Afternoon Prime.