Around GMA

Vice mayor arrested over shabu in Camiguin Province —PDEA
P2P bus starts Clark - PITX route
Motorist run over by truck in Iloilo; dies

Article Inside Page

Showbiz News

Ayon sa “Chika Minute” report ni Nelson Canlas para sa '24 Oras' kamakailan, baon ng Sparkle star na si Cassy Legaspi ang mga aral na kanyang natutunan sa pinagbibidahan niyang GMA Afternoon Prime series na 'Hating Kapatid.'

Patuloy na tumitindi ang mga tagpo sa nalalapit na pagtatapos ng family drama series na Hating Kapatid, na pinagbibidahan nina Carmina Villarroel, Zoren Legaspi, Mavy Legaspi, at Cassy Legaspi.

Sa recent "Chika Minute" report ni Nelson Canlas para sa 24 Oras, ibinahagi ni Cassy na naging malaking bahagi sa kanyang buhay ang pinagbibidahan niyang serye kasama ang kanyang pamilya.

"There are a lot of plot twists, ang daming revelations na mangyayari pa. Actually, I don't like talking about na parang, 'okay, patapos na ang Hating Kapatid.' Parang, in my head, I take it day by day, lalo na sa taping day.

"Grabe ang Hating Kapatid, it plays such a big part in my life and, I think, in my family's life also," pagbabahagi niya.

Bukod dito, baon din daw ng Sparkle actress ang lahat ng aral na mga natututunan niya sa Hating Kapatid.

Aniya, "For me, personally, about siblings. Not only [about] a mother's love, pero siblings din. Grabeng eksena kasi, tuloy-tuloy 'yung tears ko, tuloy-tuloy 'yung iyak ko kahit pag-cut. Kasi it was about my brother, so it was a sensitive topic for me. But I feel like a lot of people can relate."

Samantala, may bagong proyekto si Cassy dahil bahagi siya ng upcoming political-thriller series na Whispers From Heaven, kung saan makakasama niya sina Bea Alonzo, Tom Rodriguez, Maricar Reyes, at iba pa.

Subaybayan ang finale ng Hating Kapatid, Miyerkules hanggang Sabado, 2:30 p.m., sa GMA Afternoon Prime.

SILIPIN ANG FUN OFF-CAM MOMENTS NG HATING KAPATID CAST SA GALLERY NA ITO.