Around GMA

Article Inside Page

Hindi pa man natatapos ang pinagbibidahang family series na Hating Kapatid, may bagong proyektong pinaghahandaan si Cassy Legaspi dahil kasama siya sa lead cast ng upcoming political thriller series na Whispers From Heaven.

Noong March 6, ni-reveal na ang cast ng pinakabagong aabangang Kapuso series at makakasama ni Cassy sa lead cast sina Bea Alonzo, Tom Rodriguez, Maricar Reyes, Jason Abalos, at Jake Macapagal.

Sa exclusive interview ng GMANetwork.com, ipinarating ni Cassy kung gaano siya na-e-excite para sa bagong serye, gayundin, kinakabahan para sa kanyang magiging role.

"Of course, super grateful. I'm so thankful for this project. And, I'm very excited and very nervous at the same time, kasi currently I'm still taping Hating Kapatid and, at the same time, magsisimula naman din po kami ng Whispers From Heaven na taping. Still grateful, and ayon nga po very nervous, especially sa role ko," sabi ng aktres.

Nang tanungin kung ano ang bagong aabangan sa kanya ng manonood sa Whispers From Heaven, sagot ni Cassy, "Siguro this side, mas serious na. More serious and mature side.

"I feel like ang dami ko ring katulad sa Hating Kapatid na drama, heavy drama na I can bring dito sa Whispers From Heaven, but I think now I can do more. Basta very different and mas dark."

Kung gaano siya na-e-excite para sa serye ay ganoon din na makatrabaho ang award-winning actress na si Bea Alonzo, na matagal na niyang pangarap.

"Actually, ito talaga 'yung dream ko to work with Ate Bea. I think there were two attempts na we're supposed to work together. I think movies pero hindi po natuloy. So, ito talaga 'yung Whispers From Heaven na. This is it," masayang sabi ni Cassy.

Abangan si Cassy Legaspi sa Whispers From Heaven soon sa GMA.

TINGNAN ANG NAGANAP NA STORY CONFERENCE NG 'WHISPERS FROM HEAVEN' SA GALLERY NA ITO: