Cast ng 'Kamao,' maghaharap sa 'Family Feud'
Around GMA
Around GMA
Bea Alonzo returns to Instagram with European trip photos after weeks of silence HABI opens national piña and abaca weaving competitions Over 800 delivery riders in Davao get cash aidArticle Inside Page
Showbiz News
Abangan ang tapatan ng Team Makmak at Team Lance sa 'Family Feud.'
Break muna sa boxing ring ang cast ng Kamao dahil magpapagalingan muna sila sa survey board ng Family Feud.
Ang cast ng Kamao ay magiging bahagi ng "Malayang makitawa, malayang makisaya" Buwan ng Kalayaan celebration ng Family Feud.
Tampok sa Kamao ang kuwento ni Makmak, isang determinadong amateur boxer na nagsusumikap makamit ang kanyang pangarap sa mundo ng boxing.
Pangungunahan ni Anton Vinzon ang Team Makmak. Kilala si Anton sa kanyang dedikasyon sa paghahanda para sa kanyang karakter, kabilang ang araw-araw na boxing drills at gym workouts. Makakasama niya ang kanyang real-life at onscreen father na si Roi Vinzon, gayundin ang beteranong aktor na si Neil Sese at fast-rising actor na si Shan Vesagas.
PHOTO SOURCE: Family Feud
Samantala, pamumunuan naman ni Bruce Roeland ang Team Lance. Ginagampanan niya ang papel ng antagonist na si Lance sa serye. Sasamahan siya ng award-winning actress na si Therese Malvar, kasama ang social media personalities at vloggers na sina Meong at Hellboy.
Sino kaya ang mananaig sa labanang ito? Abangan sa fresh episode ng Family Feud ngayong June 3, 5:35 p.m. sa GMA at sa Kapuso Stream.
Huwag kalimutang sumali sa “Guess More, Win More” promo ng Family Feud! Manood lamang ng Family Feud para sa pagkakataong manalo ng papremyo araw-araw. Tutok na Lunes hanggang Biyernes sa Family Feud para sa kabuuang detalye.
