Around GMA

Article Inside Page

Mapapanood si Chanty Videla ng K-pop girl group na Lapillus sa upcoming GMA Prime action series na Sanggang-Dikit FR.

Sa panayam ng GMANetwork.com sa Filipino-Argentinian star sa media conference ng bagong serye, inamin niyang iniidolo niya ang mga bida ng programa na sina Jennylyn Mercado at Dennis Trillo.

Aniya, "Seeing them po sa set, hanggang ngayon, na-starstruck pa rin po talaga ako. I think nakasama ko po sila sa scene pero hindi talaga 'yung in-person na nagkaroon ng conversation but even then, talagang iba 'yung feeling kasi alam mo talagang batikan silang artista and I'm really inspired by them every time I see them sa work and sa set. I learned a lot from everyone actually, hindi lang po sa kanila."

Sa Sanggang-Dikit FR, gaganap si Chanty bilang Mira Torres, isang reporter. Hardworking at seryosong journalist si Mira. Ang mga deretsahan niyang tanong, laging nasasagot dahil na rin sa angking charm at ganda niya.

Ayon sa Sparkle artist, bagong role ito para sa kanya dahil matured ang kanyang character.

Ika niya, "Nasanay ako sa mga younger roles, estudyante, kahit sa MAKA, estudyante pa rin po ako. First time ko po tumanggap ng role na professional na siya na mas matured, tapos nacha-challenge pa nga po ako actually sa pagbabalita ng mga eksena kasi sobrang Tagalog na malalim, like 'diumano.' 'Yung terms and hanggang ngayon, nahihirapan pa rin ako but abangan n'yo po ako as I do a very new, and very fresh role and I hope you look forward to that."

Habang naka-break ang kanyang grupo na Lapillus, sa acting naka-focus si Chanty.

Aniya, hindi rin niya talaga pinalampas ang pagkakataon na mapabilang sa Sanggang-Dikit FR dahil pangarap niya maging parte ng isang action series.

Mapapanood ang Sanggang-Dikit FR simula Lunes, June 23, 8:50 p.m., sa GMA Prime. - with interviews by Ayen Crucillo

KILALANIN PA SI CHANTY VIDELA SA GALLERY NA ITO: