Around GMA

Article Inside Page

Patuloy na tumitindi ang mga tagpo sa finale week ng family drama series na Hating Kapatid.

Sa "Unang Balita" report ni Athena Imperial para sa Unang Hirit, ibinahagi ng Sparkle star na si Cheska Fausto, na gumaganap bilang Tally, ang dapat abangan sa kanyang karakter ngayong nalalapit na ang pagtatapos ng naturang afternoon drama series.

"Yung pag-solve sa problema between families, kay Tally, of course, 'yung issue niya with Melania, 'yung real mom niya. And, of course, 'yung issue niya rin sa nagpalaki sa kanya, 'yung nanay niya na si Roselle.

Bukod sa Hating Kapatid, labis ang pasasalamat ni Cheska na maging bahagi ng upcoming GMA series na Task Force: Firewall, kung saan makakasama niya sina Miguel Tanfelix, Kyline Alcantara, Kylie Padilla, Jak Roberto, at Buboy Villar.

"Anim kaming agents do'n at ang tawag sa amin ay Team Firewall. So after all the drama with Hating Kapatid, iyakan, awayan. Ito naman, this is my first time ever doing action and action series," aniya.

Ayon pa kay Cheska, nagsimula na sila ng kanyang co-stars sa pagsasailalim sa training para sa kanilang fight scenes.

"Nakailang trainings na rin kami for firing, especially for my character kasi sharp shooter siya. So she really has to know how to handle guns and how to fire correctly. And also, combat workshop kasi importante 'yun when we're doing operation scenes, 'yung nagre-raid kami, 'yung mga ganyang bagay," kwento niya.

Subaybayan ang finale week ng Hating Kapatid, Martes hanggang Sabado, 2:30 p.m., sa GMA Afternoon Prime.

Related content: Stunning looks of Cheska Fausto that proves her face card never declines