Around GMA

Article Inside Page

Inilahad ni Chuckie Dreyfus na nagpunta siya sa ospital pagkatapos ng kanilang taping.

Si Chuckie ay nagmula sa taping ng Taskforce Firewall bago siya nagdesisyon na pumunta sa ospital kasama ang misis niyang si Aileen Bayani.

Kuwento ni Chuckie sa kanyang social media post noong August 13, "So… this happened late last night after my taping for Taskforce: Firewall. Long night. Unexpected detour. But I'm okay naman po. Kwento soon."

Kinabukasan, August 14, nagbigay ng update si Chuckie sa kaniyang Facebook reel.

Saad ng aktor, "At 52, apparently may notifications na rin akong hindi galing sa phone. The other night, may kakaibang sakit sa dibdib at likod ko. Tried all the usual explanations in my head… baka workout, baka muscle, baka mali lang tulog ko."

Ayon kay Chuckie, nagdesisyon siyang magpakonsulta upang magkaroon ng sagot ang kaniyang dinaramdam.

"It felt different enough that I decided not to guess. So ayun… ER, X-ray, ECG, gamot, then home around 2 AM. Thankfully, matinding muscle spasm lang daw."

Para sa aktor, kung dati ay "wala 'yan" ang kaniyang reaksyon, ngayon ay binibigyan na niya agad ng atensyon ang mga nararamdaman niya sa kaniyang katawan.

"I don't think getting older has made me more paranoid. Mas ayoko lang siguro ngayong basta sabihin na, “Wala 'yan.” Kayo, ano yung mga bagay na dati madali niyong i-ignore pero ngayon mas pinapansin niyo na?"