Around GMA

Article Inside Page

Nilinaw ng seasoned actress na si Claudine Barretto sa Fast Talk with Boy Abunda ang matagal nang usapin tungkol sa tila pagkakaribal nila ng kapwa mahusay na aktres na si Judy Ann Santos.

Sa panayam ni Claudine sa TV host na si Boy Abunda, sinabi niya na hindi alam ng publiko na totoong magkaibigan sila ni Judy Ann noon pa man.

Kuwento niya, “Judy Ann and I, people think that we don't get along or we never got along but the truth is even nu'ng debut niya I remember that was on a Sunday and everything was closed. The after party was in my condominium.”

Ayon pa kay Claudine, sadyang hindi lamang sila pinayagan noon na makita ng publiko na magkasama dahil sa mga imahe ng kanilang mga karera noon.

Aniya, “Ang dami naming pinagdaanan ni Judy Ann its just that during that time kung baga para kaming mag-boyfriend-girlfriend ni Judy Ann. Bawal kaming makita sa labas [na magkasama] kasi ayaw ni Tito Alfie kasi dapat daw ala-Nora-Vilma.”

Bukod dito, ibinahagi rin ni Claudine ang isang bagay na hindi niya malilimutan na ginawa sa kaniya ni Judy Ann.

“I will never forget what Judy Ann did for me, that's why she is who she is. You know at my lowest point, in one of her interviews, they said that she was the teleserye queen but she said, 'No, Claudine and I share this title,' I will never forget that Boy 'til the day I die.”

Dagdag pa ni Claudine, pangarap nila ni Judy Ann na makagawa ng isang pelikula na magkasama.

“Our dream is to be able to do a movie together and I will be forever grateful to Judy Ann Santos,” ani Claudine.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.