Cong TV, Viy Cortez are expecting a baby
Around GMA
Around GMA
12-hour brownout in areas of Iloilo City set on Dec. 7, 2025 How Innovation is Transforming Healthcare Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
May bagong miyembro na ang "Team Payaman" dahil magkakaanak na ang YouTube vlogger couple na sina Cong TV at Viy Cortez.
Maagang Christmas gift para sa celebrity vlogger couple na sina Cong TV at Viy Cortez ang balitang magkakaanak na sila. Ibinahagi agad ng dalawa sa kanilang mga followers ang balitang ito sa pamamagitan ng isang vlog.
November 27 nang mag-test si Viy para matukoy kung siya ba ay nagdadalang-tao. Sa unang bahagi ng vlog, emosyonal na siya habang hawak ang pregnancy test kit na may markang positive.
December 2020, nang mapabalitang nakunan si Viy na dapat sana'y panganay nila ni Cong. Kaya naman labis na lang ang kaniyang tuwa nang malaman na biniyayaan ulit sila ng anak.
Upang masiguro na hindi false positive ang lumabas sa pregnancy test kit, agad na nagpatingin sa doktor sina Viy at Cong. Dito na nakumpirma na anim na linggo nang buntis si Viy.
Pati ang Team Payaman na grupo nina Cong at Viy masaya rin sa pagbubuntis ng huli.
Sa ngayon umabot na sa mahigit 3 million views ang "PLASWAN" vlog na ito ni Viy. Panoorin DITO:
Samantala, silipin naman sa gallery na ito ang YouTube celebrity couples na dumaan sa pagsubok ang relasyon at pagsasama:
