GMA Logo Luis Alandy Barbie Forteza Christopher de Leon
What's on TV

Crime thriller mini-series 'The Lookout' sets 'I Can See You's' highest rating

By Dianara Alegre
Published April 23, 2021 5:11 PM PHT
Updated April 23, 2021 6:26 PM PHT

Around GMA

Around GMA

Australia shuts dozens of east coast beaches after shark attacks
900 pamilya sa Albay na apektado ng Bulkang Mayon, hinatiran ng tulong ng GMAKF | 24 Oras
Rider who obstructs firetruck in Bacolod City identified

Article Inside Page


Showbiz News

Luis Alandy Barbie Forteza Christopher de Leon


Mula sa pitong mini-series na naipalabas na mula sa dalawang season ng 'I Can See You,' ang “The Lookout” ang nakapagtala ng pinakamataas na ratings.

Bagong record ang naitala ng crime thriller mini-series na “The Lookout,” ang ikatlong handog ng drama anthology I Can See You Season 2.

Nitong Huwebes, April 22, nakakuha ang mini-series ng accumulated ratings of 17.6 percent (NUTAM PPL PRIME Survey).

Tampok sa ikaapat na episode ng “The Lookout” ang pagkrus ng landas nina Emma Castro, Dr. Robert Penuliar, at ng ex-miltary na ngayon ay gun-for-hire nang si Jason “Lakay” Bautista.

Sa naturang episode rin nabunyag na si Randy, ang kapatid ni Dr. Penuliar ang nagpapasok sa killer sa bahay ng mga Penuliar. Pero sa anong dahilan?

Sinusundan sa crime thriller mini-series ang mapangahas na hakbang ni Emma Castro, ang magician assistant na nagdesisyong kumapit sa patalim para makahanap ng perang ipangtutustos sa medical bills ng kanyang may sakit na kapatid.

Dahil wala nang ibang maisip na paraan na pagkukunan ng pera, pumayag si Emma na maging kasabwat at lookout sa plano ng kababata niyang si Dalo na pagnakawan ang pamilya Penuliar, ang mayamang pamilyang nakatira sa village malapit sa squatters area na kanilang tinitirhan.

Laking-gulat na lamang nila nang pagpasok sa bahay ng mga Penuliar ay tumambad sa kanila ang wala nang buhay na kasambahay ng mga ito. Lingid sa kanilang kaalaman, isang malagim na home invasion ang kanilang kinasangkutan.

Si Kapuso Primetime Princess Barbie Forteza ang gumaganap sa role ni Emma, habang si Kapuso hunk Luis Hontiveros naman si Dalo.

Ang veteran actor na si Christopher de Leon ang gumaganap sa karakter ni Dr. Robert Penuliar at ang dramatic actor na si Luis Alandy naman ang gumaganap bilang si Lakay.

Dahil sa intense na mga kaganapan sa serye, sinubaybayan ng viewers at nakahakot pa ng mga panibagong supporters ang “The Lookout.”

Bukod sa out-of-the-box na tema nito, puring-puri rin ng manonood ang mahusay na pagganap ng cast dito.

Binigyang-pugay din ng viewers ang lahat ng bumubuo ng mini-series.

Source: GMA Drama Facebook page

Mapanonood na ngayong gabi ang huling episode ng “The Lookout.” Saan hahantong ang mga rebelasyong gigimbal kay Lakay at sa pamilya Penuliar?

Huwag palampasin ang makapigil-hiningang mga tagpo sa I Can See You: The Lookout ngayong gabi, April 23, sa GMA, GTV, at Heart of Asia.

Para sa mga Kapuso abroad, maaari itong mapanood sa GMA Pinoy TV.

Kilalanin ang buong cast ng I Can See You: The Lookout at kanilang mga karakter sa gallery na ito:

Maaaring mapanood ang full episodes ng I Can See You: The Lookout sa GMA Network app.