Around GMA

Article Inside Page

Suportado ng Cruz VS Cruz cast sa kanilang co-star na si Lexi Gonzales nang magmitsa ng breakup rumors ang posts ng nobyo nito na si Gil Cuerva.

Sa Fast Talk with Boy Abunda nitong Martes, January 13, ibinahagi nina Vina Morales, Gladys Reyes, at Neil Ryan Sese kung papaano sila naging isang pamilya na sa set ng naturang GMA Afternoon Prime series.

Sa katunayan, lubos ang suportang ibinigay nila sa young Sparkle star, na naging malungkot dahil sa pangyayari.

“Nu'ng gabi na 'yun, nag-videoke kami. Kinantahan namin siya ng malulungkot na aawitin,” pagbabahagi ni Neil.

Ani Gladys, kinanatahan pa nila si Lexi noon ng “Someone that I Used to Love.”

Dagdag naman ni Vina, “Sinusuportahan namin siya. Hindi namin alam kung maiiyak ba siya o matutuwa ba siya sa amin.”

Tingin umano ni Gladys, nakatulong naman ang pagvideoke nila.

“Kasi lalo na nu'ng kumakanta ka, Ate Vi, alam mo, kumakanta siya, pagtingin ko, 'Ay, jumijiyak na!' So, siguro naman okay na 'yun para gumaan-gaan 'yung pakiramdam,” sabi ng aktres.

Sabi pa ni Gladys, kapag alam nilang may pinagdadaanan ang isa sa kanilang cast, para talaga silang pamilya kung sumupora, “Minsan wala nang salita, iha-hug na lang namin.”

“Oo, full support naman talaga,” ani Vina.

BALIKAN ANG RADIANT BIRTHDAY SHOOT NI LEXI NOONG NAKARAANG TAON SA GALLERY NA ITO:

Nagsimula ang usap-usapang breakup nina Lexi at Gil nang mag-post ang huli sa X (dating Twitter) tungkol sa heart break at healing.

"The deception will be used as fuel for my comeback. I will rebuild from this. Just remember, what goes around comes around," sulat ng aktor.

Sa hiwalay na post, sinabi niya, "Just completely hurt and blindsided, but I will channel all of this into something better. Just need time to heal. But damn, to be betrayed like this is an all time low for me."

Sa ngayon ay hindi pa rin direktang nakumpirma ng magkasintahan sa publiko ang tungkol sa diiumano'y kanilang hiwalayan.

Related gallery: Photos that prove Lexi Gonzales and Gil Cuerva make a great couple