Around GMA

Article Inside Page

Mula local hanggang international, ibinahagi ng mga miyembro ng Cup of Joe na sina Gian Bernardino, Rapha Ridao, Gabriel Fernandez, CJ Fernandez, at Xen Gareza kung sino-sino nga ba ang kanilang celebrity crushes.

Sa Fast Talk with Boy Abunda nitong Miyerkules, July 30, tinanong ni King of Talk Boy Abunda ang mga miyembro ng banda kung may mga girlfriends na ba sila. Ayon kay Gian, single siya ngayon.

Pagbabahagi naman ni Rapha, “May jowa po ako, artist din po siya, si Keanna Pascua, Viva artist din po siya.”

Sinabi rin ni CJ na meron na rin siyang girlfriend, at ikinuwentong meron din silang “lovely dog.”

Mayroon ding kaniya-kaniyang girlfriends sina Gabriel at Xen, ngunit parehong wala sa show business. Ang girlfriend ni Gabriel, incoming nurse, samantalang ang girlfriend naman ni Xen, isang photographer.

KILALANIN ANG CELEBRITY CRUSHES NG IBA PANG CELEBRITIES SA GALLERY NA ITO:

Kaya naman, bilang katuwaan, tinanong sila ng batikang host kung sino-sino ang mga celebrity crush nila. Ngunit bago pa sumagot ang banda, nagpasintabi muna si Boy sa girlfriends nila na katuwaan lamang iyon.

Unang sumagot si Xen, na sinabing crush niya ang Amercian singer-songwriter at actress na si Sabrina Carpenter.

Crush naman ni CJ ang dating Pinoy Big Borther Celebritry Collab Edition housemate na si Shuvee Etrata.

Isang musician din ang crush ni Gabriel na si Cara Benin.

Pagbabahagi naman ni Rapha, aprubado ng kaniyang girlfriend ang crush niyang si Bathalumang Cassiopeia Solenn Heussaff.

Nang sumagot si Gian, sinabi niyang si Olivia Rodrigo ang kaniyang celebrity crush.

Panoorin ang panayam sa Cup of Joe dito: