#DaksSpotted: Crocodile mascot na may abs, gumala sa Metro Manila para sa 'Lolong'
Around GMA
Around GMA
Volleyball Tournament - March 7, 2026 | NCAA Season 101 ICC Appeals Chamber: Duterte to remain in detention PropertyGuru Philippines Property Awards introduces new categories this yearArticle Inside Page
Showbiz News
Namataan ang crocodile mascot na may abs ng programang 'Lolong' sa ilang bahagi ng Metro Manila nitong weekend.
Isa na namang dambuhalang pakulo ang inihanda ng primetime action-adventure series na Lolong para sa mga masugid na manonood nito.
Nito kasing nakaraang weekend, isang crocodile mascot na may abs ang gumala sa ilang bahagi Metro Manila.
Namataan siya sa bandang EDSA kung saan kinagiliwan siya ng ilang commuters.
Ipinamalas din niya ang kanyang dance moves.
Nagawi rin ang crocodile mascot sa SM Mall of Asia.
Ilang batang Lolong fans din ang nagpa-picture kasama niya.
Ang sorpresang ito ay bahagi ng pasasalamat ng programang Lolong sa patuloy na suporta ng mga manonood sa serye.
Bukod diyan, namimigay din ng cash prizes araw-araw ang programa sa "Ready, Pangil, Smile! Lolong Selfie Contest."
Maaari ring makipag-duet kay Lolong lead star at Kapuso Action-Drama Prince Ruru Madrid sa theme song ng serye ng "214" sa TikTok sa "Lolong 214 Duet Challenge."
Patuloy na panoorin ang lalong nagiging exciting na kuwento ng Lolong, Lunes hanggang Biyernes, 8:00 p.m. sa GMA Telebabad.
