Dasuri Choi, ibinahagi ang hinahanap sa isang partner
Around GMA
Around GMA
M/V Trisha Kerstin 3 death toll reaches 54 as another body found Young Negrense swimmers excel at Bangkok swim championship Marian Rivera, Martin Nievera, Janice de Belen, Jed Madela unbox fun at new Pop Mart store in QCArticle Inside Page
Showbiz News
Kilalanin ang tipo ng lalaki ni Dasuri Choi dito:
Single man ngayon sa kaniyang late 30s, happy at hindi pressured si Dasuri Choi magkaroong ng love life. Ngunit ayon sa dancer-comedienne, naghihintay pa rin siyang mahanap ang taong magiging partner niya sa buhay.
Sa Fast Talk with Boy Abunda, kinumpirma ni Dasuri kay King of Talk Boy Abunda na single siya ngayon. Sa katunayan, wala rin umano siyang ka-date sa valentines kaya naman, nagsuot na siya ng red para sa guesting nila nina Rayver at Rodjun Cruz sa show.
“Kaya nga po, Tito Boy, 'yun ang problem. Single pa rin ako. Guys! I'm just waiting for you! What's wrong with you? Come on!” sabi ni Dasuri.
Saad ni Dasuri, bilang Korean, may pressure sa kanila na magkaroon ng partner lalo na noong early 30s pa lang siya.
“Actually, yes po, pero nu'ng early 30s po ako, medyo pressure po ako at saka 'yung parents ko kasi, they are waiting sino 'yung magiging asawa ko or like partner ko,” sabi ni Dasuri.
“Pero ngayon, late 30s na, give up na. 'Bahala ka na, okay na,'” pagpapatuloy ng dancer.
BALIKAN ANG ILAN SA MGA SHOW-STOPPING LOOKS NI DASURI SA 'STARS ON THE FLOOR' SA GALLERY NA ITO:
Paglilinaw ni Dasuri, maaari naman siyang magkaroon ng boyfriend o mapapangasawa na hindi Korean. Kaya naman, tinanong na ni Boy kung ano ba ang type niya sa mga lalaki.
“'Yun po, matangkad parang sila, matangkad, and then kailangan po ng medyo tanned, sana pero okay lang kahit hindi, okay lang po, ha?” sabi ni Dasuri.
Pagbabahagi pa ng dancer, matangkad talaga ang gusto niya at kung maaari, nasa 5'9 hanggang 5'10 ang height.
“Sorry pero kasi maliit po ako e, so 'yun po 'yung complex ko sa katawan. So gusto ko po sana, matangkad para 'yung anak ko (matangkad din),” sabi ni Dasuri.
Hindi na rin kailangan mayaman dahil siya na umano ang bahala sa kaniyang mapapangasawa. Hindi rin kailangan guwapo, basta cute, ayon kay Dasuri.
Kaya naman, biro nina Rayver at Rodjun, “Hahanapan namin. 'Pag nahanapan natin, dapat may cut tayo, a?”
Nang hingan naman ni Boy si Dasuri ng mensahe ang kaniyang possible boyfriend, sabi ng dancer, “I've been waiting for you. Tara! Kasal na tayo! 'Yun lang, e.”
Panoorin ang panayam kay Dasuri dito:
