David Licauco, nakabuo ng closeness sa kanyang 'Never Say Die' co-stars
Around GMA
Around GMA
Muffler rule in Davao City questioned; LTO, LGU defend policy Singapore Airshow kicks off amid supply chain strains, regional demand surge Marian Rivera's teacup is from a French fashion houseArticle Inside Page
Showbiz News
Isang hindi inaasahang pagkakaibigan ang nabuo nina David Licauco, Jillian Ward, Raheel Bhyria, at Kim Ji Soo sa set ng 'Never Say Die.'
Ang go-getter attitude ni David Licauco, parehong-pareho umano sa karakter niya bilang si Andrew Dizon sa upcoming series na Never Say Die. Isang investigative journalist si Andrew, na mauuwi sa pakikipaglaban sa mga kriminal.
Sa pag-upo ni David sa GMA Integrated News Interviews kasama si Nelson Canlas para sa 24 Oras, ibinahagi ni David na lalo siyang naging excited sa kanyang pagganap dahil sa closeness na nabuo niya sa kanyang co-stars.
Makakasama ni David sa serye sina Jillian Ward, Raheel Bhyria, at Kim Ji Soo.
"To my surprise, sobrang bait ni Jillian talaga, sa totoo lang. And she is genuine, and maybe not a lot of people know this, but she's really smart, like she knows a lot of things, she is self-aware," pagbabahagi ni David.
Sa katunayan, nakakakuha pa umano si David ng payo mula sa Star of the New Gen para sa kanyang mga negosyo.
KILALANIN ANG CAST NG 'NEVER SAY DIE' SA GALLERY NA ITO:
Sabi naman ni David, sa pagpapatuloy ng kanilang taping ay nabuo ang barkadahan nilang apat. Pag-amin pa ng Pambansan Ginoo, hindi niya inaasahan na magki-click sila nina Ji Soo at Raheel.
"Like si Ji Soo, siyempre Korean idol, nagulat ako na same kami ng humor. Si Raheel naman, I think he's a guy who has dreams and gustong-gutsto niyang matuto," sabi ni David.
Ito rin ang naging sentimyento ni Ji Soo na ibinahagi niya noong bumisita sila ni Raheel sa Fast Talk with Boy Abunda kamakailan lang. Sabi niya, naging mabuting kaibigan sila ni David sa sasandaling panahon na nagkakilala sila.
"He's very good, I mean, now we have become good friends with everyone, with Raheel, and Jillian, and David," sabi ng Korean Oppa.
Ikinuwento rin ni Ji Soo ang pagiging playful umano ni David.
"He's a really playful guy. I mean, he's like, when we meet, he always like, 'Hey, are you actor Ji Soo? Can I take a photo?' something like that," sabi ni Ji Soo.
Makakasama rin nila sa serye sina Richard Yap, Raymart Santiago, Angelu de Leon, Ayen Munji-Laurel, Winwyn Marquez, Analyn Barro, at marami pang iba.
Abangan ang Never Say Die tuwing 8:55 p.m. sa GMA Prime.
Panoorin ang panayam kay David dito:
