Around GMA

Article Inside Page

Gugulatin na naman ng Pambansang Ginoo na si David Licauco ang kaniyang fans sa bago niyang movie na Samahan Ng Mga Makasalanan dahil ipapakita naman niya dito ang versatility niya bilang actor.

Makikipagsabayan si David sa ilan sa mga pinakamahuhusay na comedy talents ng bansa sa comedy film bilang si Sam na isang Deacon.

Sa idinaos na media conference ng pelikula nitong Huwebes (March 27), nagkuwento si David sa isang hindi niya malilimutan eksena kasama ang tinaguriang First Lady of Primetime na si Sanya Lopez.

Gumaganap si Sanya bilang Mila. Dati nang nagkawork sina David at Sanya sa groundbreaking GMA Prime series na Pulang Araw.

Kuwento ng Sparkle leading man sa miyembro ng press, “Parang nahiya ako for Sanya, 'yung parang naka-bikini ba 'yun. 'Yung naka-bikini siya parang, 'Shucks, nakakahiya,' parang ang hirap ng ginagawa niya ngayon ah 'di ba 'yun lang naman.”

Hirit pa ng Pambansang Ginoo sa co-star, “'Tsaka, nagulat ako na sexy 'di ba? [laughs]”

Pinuri naman ni Sanya si David sa galing nito na makisama sa kanilang cast.

Aniya, “Tahimik lang. Very nonchalant 'di ba po? Pero ang cute lang na marunong siyang makisama. At hindi rin po ako nahirapan.”

Manood sa mga sinehan at mapabilib sa mga mahuhusay na mga aktor at aktres na kasama sa Samahan Ng Mga Makasalanan na ipapalabas sa April 19.

RELATED CONTENT: 'Samahan Ng Mga Makasalanan' actors, nagsama-sama sa pagkuwento ng kanilang pelikula