Around GMA

Ada speeds up slightly as it moves away from PH
Lalaki patay sang gintiro sang gwardiya nga iya ginbuno sa Barotac Nuevo | One Western Visayas
Philippine flag carrier celebrates 85th anniversary with new aircraft

Article Inside Page

Showbiz News

Masaya si Dennis Trillo dahil tinangkilik ang kanyang Cinemalaya film na 'The Janitor' sa gala screening nito sa CCP noong August 4. Masaya rin kaya siya dahil kay Jennylyn Mercado?
By SAMANTHA PORTILLO

Masaya si Dennis Trillo dahil tinangkilik ang kanyang Cinemalaya film na The Janitor sa gala screening nito sa CCP noong August 4. Masaya rin kaya siya dahil kay Jennylyn Mercado?

Sa premiere ng The Janitor, present ang co-stars ni Dennis na sina LJ Reyes, Richard Gomez kasama ang asawang si Rep. Lucy Torres-Gomez at si Ricky Davao, na kasama rin sa New Breed entry na Mariquina.

Nandoon rin ang mga opisyal ng GMA Network sa pangunguna ni Entertainment TV Senior Vice-President, Lilybeth Rasonable at ang mga director na sina Joel Lamangan at Jose Javier-Reyes.

Maging si Kapuso Primetime Queen, Marian Rivera, dumating rin bilang suporta hindi lang kay Dennis, kundi pati sa direktor ng The Janitor na si Mike Tuviera.

Kuwento ni Dennis sa 24 Oras, “Masarap ‘yung pakiramdam na makagawa ng bago at malayo doon sa palagi mong ginagawa.”

Itinanggi rin ni Dennis ang mga bali-balitang nagkabalikan na sila ng dating kasintahan na si Jennylyn Mercado dahil nakita raw silang magkasama sa isang five-star hotel sa Ortigas.

Aniya, “Maayos naman kasi kami. Magkaibigan pa rin naman kami kaya siguro namimisinterpret ng mga iba. Akala nila, nagkabalikan. Hindi naman porke’t maayos na, ibig sabihin balik na kaagad sa relasyon, ‘di ba?”