Dennis Trillo, kinilala sa Asian Academy Creative Awards bilang Asia's Best Actor in a Leading Role
Around GMA
Around GMA
'Short-lived' La Niña to affect PH until early 2026 —PAGASA 4 hurt in Maguindanao del Sur explosion A for A On PlaylistArticle Inside Page
Showbiz News
Panibagong parangal ang nakamit ni Kapuso actor Dennis Trillo matapos siyang hirangin bilang Asia's Best Actor in a Leading Role sa Asian Academy Creative Awards noong Huwebes, December 4.
Tinanghal si Dennis Trillo bilang Asia's Best Actor in a Leading Role dahil sa kanyang mahusay at natatanging pagganap bilang si Doming Zamora sa Green Bones noong nagdaang Metro Manila Film Festival 2024.
Sa kanyang Instagram post, ibinahagi ni Dennis ang tuwa at pasasalamat sa karangalang natanggap.
“PANALO ang Pilipinas! Panalo ang PILIPINO. “Truly grateful for this @asianacademycreativeawards Thank you very much, ” sabi ni Dennis sa kanyang caption.
Nilampasan niya ang mga nominado mula sa iba't ibang bansa katulad nina Jacob Elordi ng The Narrow Road To The Deep Road at ang sikat na Korean actor na si Park Bo-gum para sa When Life Gives You Tangerines.
Sa isang post naman mula sa Green Bones producer na si Nessa Valdellon, ibinahagi niya na pupunta sana sila ni Dennis sa awarding ceremony ngunit hindi ito natuloy.
“Dennis was supposed to go. And I was supposed to go represent the 8 National Winners of GMA Public Affairs and GMA PIctures. But life happened,” sulat ni Nessa sa kanyang caption.
Ibinahagi rin niya na ang tuwa at pagkagulat sa hindi nila inaasahang pagkapanalo dahil sa malalaki at sikat na pangalan sa ibang bansa ang kasama ni Dennis sa hanay ng mga nominado.
“We figured in a roster of nominees that included Jacob Elordi and Park Bo-gum, what were his chances for the Best Actor Award?” sabi pa niya.
Ipinahayag din ni Nessa ang kalungkutan na wala si Dennis sa Singapore para tanggapin ang parangal: “Nakakaiyak na wala si Dennis doon.”
Sa kabila nito'y masaya pa rin siya sa pagkapanalo ni Dennis na hinirang bilang 'Best Actor in a Leading Role' sa buong Asya.
“ASIAN ACADEMY CREATIVE AWARDS' BEST ACTOR IN A LEADING ROLE (in all of Asia!)...DENNIS TRILLO FOR GREEN BONES!” sabi ni Nessa.
Si GMA Network Vice President for Musical, Variety, Specials, and Alternative Productions for Entertainment Group and Philippine Ambassador for the Asian Academy of Creative Arts Gigi Santiago-Lara naman ang tumanggap ng parangal sa ngalan ni Dennis at ng pelikulang Green Bones na idinaos naman sa Singapore.
Ngayon taon, ilang parangal na ang nakamit ni Dennis dahil sa kanyang husay at galing, kabilang na rito ang Best Actor sa PMPC Star Awards for Movies, Manila Critics Circle Award, Gawad Urian Awards, at Gawad Parangal ng Bayaning Pilipino Awards.
Mapapanood pa rin ang galing ni Dennis bilang si Domingo Zamora dahil streaming pa rin globally ang Green Bones sa Netflix.
