Around GMA

Article Inside Page

Tuloy lang ang learning dahil madadagdagan ng iba pang educational shows and DepEd TV simula July 26.

Mapapanood ang mga idinagdag na palabas simula 7:00 p.m. hanggang 10:30 p.m. kaya extended din ang oras ng DepEd TV.

Mula Lunes hanggang Biyernes, 7:00 p.m., abangan ang kid-friendly stories ng Daig Kayo Ng Lola Ko.

Susundan ito ng exciting na mga laro at updates sa Rise Up Stronger: NCAA Season 96, 7:30 p.m.

Tuklasin naman ang mayamang kultura ng Pilipinas sa magazine show na 100% Pinoy, 8:30 p.m.

Iba't ibang dekalidad na shows naman ang mapapanood kada araw sa extended hours ng DepEd TV, simula 9:30 p.m. hanggang 10:30 p.m.

Tuwing Lunes, pakinggan ang mga kuwento ng mga Pinoy mula sa iba't ibang bahagi ng bansa sa iJuander.

Mapapanood naman tuwing Martes ang award-winning documentary show na Reel Time.

Bubusugin tayo ng mga kuwento tungkol sa pagkain sa PinaSarap tuwing Miyerkules.

Kada Huwebes naman, buksan ang mga mata sa award-winning documentaries ng iWitness.

Matawa at mag-enjoy naman sa sikat na Taiwan reality TV show na Mr. Player tuwing Biyernes ng gabi.

Tuwing Sabado ng gabi, tunghayan ang educational, historical, and award-winning films na hatid ng Film 101, mula 7:00 p.m. hanggang 10:30 p.m.

Ang DepEd TV ay nabuo sa pagsasanib pwersa ng GMA Network at ng Department of Education bilang isang paraan ng paghahatid ng mga klase at leksyon sa mga estudyante ngayong panahon ng COVID-19 pandemic.

Ang bawat episode ng DepEd TV ay naglalaman ng multimedia classes para sa iba't ibang antas ng grade school at high school.

Mapapanood ang DepEd TV sa channel 7 ng GMA Affordabox, GMA Now at sa iba pang digital TV boxes.