Around GMA

Article Inside Page

Sa gitna ng Andi Eigenmann-Philmar Alipayo controversy, nagbigay rin ng matapang na komento ang aktor na si Derek Ramsay.

Sa panayam sa kanya ni Ogie Diaz, hindi nagdalawang-isip si Derek na ipagtanggol si Pernilla Sjoo, na isa rin niyang malapit na kaibigan dahil concern ito sa kanyang mental health ngayon.

Ikinuwento niya na maraming "threats" na natatanggap si Pernilla dahil sa nangyari at lagi daw itong nasa kwarto niya at umiiyak.

Pinuna ni Derek ang pag-post ni Andi sa social media tungkol sa kanilang isyu ni Philmar.

Sabi ni Derek kay Andi, "Andi, sorry, what was your intent with all of this? Because I believe right now, your intent was to destroy and hurt Pern."

"Ang mali dito is irresponsible postings acting on emotions without thinking, just jumping the guts," dagdag ni Derek.

Matagal na daw kilala ni Derek si Andi at nakatrabaho niya rin ito noon. Ngunit naniniwala siya na hindi na dapat pinaabot ni Andi sa social media ang isyu na ito.

"Kung galit ka, naiintindihan kita. Nasa kultura ng Pilipino 'yun, mali na nagpa-tattoo sila together. She is a foreigner, she did not do it with an intent to hurt, Andi," pagtatanggol ni Derek kay Pernilla.

Nirerespeto daw ng aktor si Andi bilang babae at hindi ito aawayin pero magsasalita raw siya dahil mali ang ginawa nito.

Pinuna rin ni Derek ang pag-konsulta ni Andi sa isang CHATGPT tungkol sa kanilang isyu at nilantad ito sa publiko.

"That was irresponsible of you. Very, very irresponsible," komento ni Derek dahil ang ginawa ni Andi ay nakakasira ng isang tao.

Maliban sa pagsita ni Derek sa ginawang postings ni Andi, hindi niya daw binabalewala ang nararamdaman ni Andi, ngunit sana lang ay mas pinili niya daw harapin si Pernilla tungkol dito.

Ngayon daw ay mas naiinis si Derek dahil nag-post na si Philmar ng video na okay na sila ni Andi at kumakain ng dinner na parang walang nangyari.

Nagsimula ang isyu nina Andi at Philmar nang mapansin ng kanilang followers ang pag-unfollow sa isa't isa at nang mag-post si Andi ng mga cryptic posts.

Panoorin ang buong panayam ni Derek Ramsay dito: