Around GMA

Article Inside Page

Simula August 1, mapapanood na ang unang pagtatambal nina Sparkle artists Derrick Monasterio at Elle Villanueva sa GMA Afternoon Prime series na Return To Paradise.

Sa seryeng ito, gaganap si Derrick bilang si Red Ramos habang bibigyang buhay naman ni Elle ang role bilang si Eden Santa Maria.

Sa ginanap na online media conference ng Return To Paradise, ibinahagi ng dalawang Kapuso stars ang aral na kanilang natutunan mula sa kanilang mga karakter.

Para kay Elle, ang natutunan niya mula sa kanyang role ay ang huwag sumuko sa mga pagsubok.

Aniya, “Never give up. Number one, never give up, as in. Kahit anuman [ang] ibato sa 'yo, don't give up, tayo ka pa rin. Don't let anyone tell you na hindi mo kaya kasi it's just you versus you, wala ng iba.”

“Don't lose hope,” ito naman ang aral na natutunan ni Derrick mula sa kanyang role bilang si Red. Ayon pa sa kanya, very resilient ang characters nila ni Elle sa Return To Paradise.

“Don't lose hope ako kasi sa time na may tragedy, s'yempre most of us would just easily give up pero 'yung characters kasi namin, ano sila, e, very resilient sila.

“Lumalaban talaga sila sa problems and they really depend on each other. And parang may magic 'yung characters namin na basta magkasama kami, kaya natin lahat,” kwento ng Kapuso hunk.

Bukod kina Derrick at Elle, kabilang din sa star-studded cast ng show sina Eula Valdes, Teresa Loyzaga, Ricardo Cepeda, Liezel Lopez, Kiray Celis, Karel Marquez, Paolo Paraiso, at Allen Dizon.

Abangan ang world premiere ng Return To Paradise ngayong August 1 sa GMA Afternoon Prime.

SAMANTALA, SILIPIN ANG BEHIND-THE-SCENES NG RETURN TO PARADISE PICTORIAL SA GALLERY NA ITO.