Dingdong Dantes, hopeful sa pagbabalik ng 'DOTS Ph' sa telebisyon
Around GMA
Around GMA
1 patay at 1 pa ang sugatan sa ambush sa Maguindanao del Sur Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
“Kahit kami nabitin,” saad ni Dingdong Dantes ukol sa 'DOTS Ph' kung saan gumaganap bilang si Capt. Lucas Manalo.
Isa ang Descendants of the Sun (The Philippine Adaptation) na pansamantalang inihinto ang pag-ere noong lumaganap ang coronavirus pandemic sa bansa.
Kaya naman si Dingdong Dantes, na gumaganap bilang Capt. Lucas Manalo, a.k.a. Big Boss, hindi na rin makapaghintay na bumalik sa set para ipagpatuloy ang nasimulang serye.
Aniya sa ilang miyembro ng press sa isang virtual blog con, “Mga six weeks since naputol kami sa ere.
“Hindi pa namin natatapos 'yung shooting, 'yung taping ng 'Descendants of the Sun,' and ngayon, pinag-uusapan na namin ang aming pagbabalik.
“Siyempre, dahil maraming nabitin, kahit kami nabitin.”
Kuwento ng Kapuso Primetime King, maraming phases na pinagdaanan ang Philippine adaptation ng Korean drama.
Kaya naman sisiguraduhin nila na sa pagbabalik nito ay handa sila muli para mapantayan ang naunang soap.
“Imagine, one year of preparation ang show na 'to. Exactly this time, last year, nagsisimula na kami and then umere kami noong January.
“So, we are trying our best to gather everyone and all the resources para makapagsimula na kami ulit.
“And once we're on air, alam ko baka kami ang isa sa mga unang mapapanood niyo soon. Sana…”
Hindi lang naman si Dingdong Dantes ang excited kundi pati na rin ang co-actor niya na si Jasmine Curtis-Smith, na isinaad sa GMANetwork.com kamakailan na mayroon na silang “tentative date” na pagbabalik sa set.
Saad niya noon, “We already have a month in mind pero it will still depend on the extensive measures for health and safety protocols.
“Nagsimula na 'yung dialogue or conversation tungkol doon kasi kahit kami rin mismo napapansin namin na sayang din 'yung momentum na nasimulan at marami pa rin ang nag-aabang.
“So sa ngayon, what we really have is what we've aired and that's on the GMA Network website.
“Pero sa mga susunod na episodes, we really just have to wait because, more than anything, we want to make sure na 'yung quality hindi ma-sacrifice because hindi naman ito original story o teleserye ng Pilipinas so siyempre gusto namin medyo at par parin 'yung maibigay nating quality.”
Sa ngayon, mapanonood ang latest aired episodes ng Descendants of the Sun (The Philippine Adaptation) sa official website ng GMA Network o sa GMA Network app.
IN PHOTOS: Dingdong Dantes and 'DOTS Ph' Alpha Team banner 2020 calendar
Dingdong reacts to the viral artwork featuring himself using nut wrappers
