Around GMA

Article Inside Page

Nakangiti habang kinukuwento ni Kapuso Primetime King Dingdong Dantes sa podcast interview with Pia Arcangel ang experience niya working with his wife of more than seven years na si Marian Rivera.

Matatandaan na noong kasagsagan ng pandemya ay naging substitute director si Dingdong ng Kapuso Primetime Queen sa tuwing may taping sila sa bahay para sa Tadhana.

Nagkatrabaho rin sila sa Mother's Day special na MISS U: A Journey to The Promised Land nang magpunta si Marian sa Israel para maging judge sa Miss Universe.

Gumaganap din silang mag-asawa ngayon sa hit Kapuso sitcom na Jose and Maria's Bonggang Villa na napapanood tuwing Sabado ng gabi.

Sa panayam kay Dingdong sa podcast na Surprise Guest, isinalarawan niya ang working experience with his misis.

Aniya, “Nag-start nung pandemic, kasi hindi siya makapunta ng studio.

“So, sa bahay may munting setup kami rito, parang nasa studio siya. Pero 'yun, para sa akin parang hindi 'yun work e. Kasi siyempre working with Marian, whether on and off cam, for me is always kumbaga is always a pleasure.”

“I can say na mas na-appreciate ko siya as a wife na parang, 'sana ganito parati akong nasa bahay.' Kasi ang sarap being around her. Siyempre, alam mo naman ang nature ng trabaho natin, we're always on the road. Parating nasa location, studio and for the past 20 year, talagang halos araw-araw. Walang tatlong araw na nanatili ako sa bahay.”

Ayon kay Dingdong, lalo pa niyang na-appreciate si Marian at nakilala pa ang asawa nang husto dahil marami silang pinagkakasunduan.

Sabi ni Dong kay Pia, “Na-realize ko na we really enjoy the basic and simple things in life--simpleng tawanan, mga bagay na hindi namin masyado nagagawa dati.”

“Talagang sobrang jive kami. We laugh about the same things. We cry about the same things, 'yung interest namin sa mga bagay, pare-pareho.”

Panoorin ang kabuuan ng interview ni Pia kay Dingdong.

CHECK OUT THE SWEETEST MOMENTS OF DONGYAN HERE: