Dingdong Dantes, pangarap maglaro sa Family Feud US; Steve Harvey, anong reaksyon?
Around GMA
Around GMA
2 Lalaki Angol Human Madisgrasya sa kurbadahong Karsada sa Balamban | Balitang Bisdak MC taxi group urges Congress for passage of Motorcycle Taxi Law for riders RIEHATA, SB19 to collaborate on a special dance performanceArticle Inside Page
Showbiz News
Sa kaniyang exclusive video call kay Steve Harvey, nabanggit ni Dingdong Dantes na pangarap niyang makasali sa 'Family Feud US.' Ano kaya ang naging reaksyon ng American host?
Nagkaroon ng espesyal na pag-uusap ang dalawang host ng Family Feud na sina Steve Harvey at Dingdong Dantes.
Si Steve ang kilalang host ng Family Feud US, habang si Dingdong naman ang nangunguna sa Family Feud Philippines. Ngayong April 24, nasilayan ng manonood ang kanilang makasaysayang pagkikita sa pamamagitan ng isang exclusive video call.
Nagpaabot ng pagbati si Steve sa patuloy na tagumpay ng Family Feud Philippines.
Aniya, “I want to officially congratulate you on the massive success of Family Feud over there in the Philippines.”
Lubos naman ang pasasalamat ni Dingdong at sinabing malaking karangalan para sa kanya ang marinig ito mula kay Steve.
Ikinuwento rin ni Dingdong ang kanyang pangarap na makapunta sa Amerika at makasali bilang contestant sa Family Feud US.
“I have a dream that one of these days, I want to go and fly over there and visit you in the studio. I don't just want to watch, I want to be a contestant 'cause I can't do it here. Do I have to audition?" Ani niya.
Agad naman siyang inanyayahan ni Steve at sinabing hindi na kailangan ng audition. Biro pa niya, "Bring your beautiful family. Just don't be mad when I roast you if you say something crazy."
Sa huli, nagpasalamat si Dingdong at nagpahayag na umaasa siyang magkikita sila sa lalong madaling panahon.
“Steve, I hope to see you soon. More power to you. Maraming maraming salamat!”
Nag-iwan din si Steve ng huling mensahe ng papuri para kay Dingdong at sa programang Family Feud Philippines.
“Survey says, you're doing a great job. Congratulations.”
Panoorin ang pag-uusap nina Dingdong Dantes at Steve Harvey rito:
Samantala, abangan ang iba pang fresh episodes ng Family Feud Lunes hanggang Biyernes, 5:35 p.m. sa GMA at sa Kapuso Stream.
Patuloy pa rin ang mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, Encantadia Chronicles: Sang'gre at Never Say Die.
