Directors Jerry Sineneng and Dominic Zapata, happy to work with Start-Up Ph's perfect cast
Around GMA
Around GMA
LIVE - DOH on holiday health and emergency preparedness (Dec. 22, 2025) | GMA Integrated News Cops foil delivery of suspected shabu, explosives in Ozamiz Puto bumbong-inspired drink this ChristmasArticle Inside Page
Showbiz News
'Start-Up Ph' directors Jerry Sineneng and Dominic Zapata share their experience while working with the cast of the Philippine adaptation of the hit Korean series.
Sa nalalapit na pagpapalabas ng Philippine adaptation ng hit Korean Netflix series na Start-Up, hindi lang mga viewers ang excited na mapanood ito, kundi pati na rin ang mga taong parte ng seryeng ito.
Ang upcoming GMA drama series na Start-Up Ph ay pinangungunahan ng award-winning directors na sina Direk Jerry Sineneng at Direk Dominic Zapata.
Sa naging panayam ng GMANetwork.com sa dalawang batikang direktor nito lamang June 21, inilahad nila ang ilang detalye tungkol sa proyektong kasalukuyan nilang hinahawakan.
Sa kalagitnaan ng online media conference, ibinahagi nila na masaya sila sa cast ng naturang serye.
Ayon sa dalawang kilalang direktor, nabigyan daw sila ng perfect cast para sa remake at adaptation na ito.
Kasunod nito, nagkuwento ang dalawa tungkol sa mga katrabaho nilang artista. Tulad na lang kung sino ang mahilig magpatawa habang nasa taping ng Start-Up Ph.
“Si Alden (Richards),” sagot ni Direk Dominic.
Sang-ayon dito si Direk Jerry, “Yes, si Alden."
Tanging mabubuting salita naman ang nasabi ni Direk Jerry tungkol kay Asia's Multimedia Star Alden Richards.
“Alden is so gaan to work with. He's very professional, he comes to the set ready, knowing his lines. Hindi ko alam may magic si Alden. Napapasaya niya 'yung set, napapagaan niya kahit mabibigat 'yung eksena, kahit lupaypay na kayo sa pagod.
"Kapag isa si Alden sa part ng scene, gumagaan. Mabiro rin kasi siya. Napakasarap niyang katrabaho, I hope this won't be the last. Lalo akong naging fan ni Alden,” kuwento ni Direk Jerry.
Matapos nito, naikuwento naman ni Direk Dominic ang ilang experience niya habang katrabaho ang co-lead star ni Alden na si Bea Alonzo.
Ayon kay Direk Dom, “First time ko lang makatrabaho si Bea. Ito na, biglang nasa set na. Magiging part ka ng Start-Up Ph. Hindi rin naman ako kinabahan, kasi I always heard good things about her.
"But, personally, this was what happened. Pagka-taping namin pumunta ako sa standby area, kinatok ko and sabi ko, Bea, Thank you kasi totoo lahat nung narinig ko. Totoo 'yung tsismis, mahusay, magaling, professional, at saka mabait sa mga tao, sa akin okay 'yun.”
Samantala, kilalanin ang iba pang co-stars nina Alden Richards at Bea Alonzo sa Start-Up Ph sa gallery na ito.
