Around GMA

Article Inside Page

Ibinahagi ni Dominic Roque ang larawan ng isang nakamamanghang sunset view sa Instagram kahapon, July 29.

Ngunit mas naging kapansin-pansin ang kanyang espesyal na tag sa larawang ito.

Sa litrato na ito--kung saan makikita ang napakagandang kulay ng pink, blue, at violet sa kalangitan--naka-tag ang pangalan ni Kapuso actress Bea Alonzo.

Isinulat pa ni Dominic sa caption, “Sunsets with ___?”

Dagdag pa niya ang nakakakilig na hashtag, “#CaptionKoTapusinMo (heart emoji)”

View this post on Instagram

A post shared by Dominic Roque (@dominicroque)

Agad namang nagkomento ang fans at supporters ng aktor at sinabing ang bagong Kapuso star ang tinutukoy niya.

Sa kasalukuyan, ang nakamamangha at nakakakilig na post ng aktor ay mayroong higit 58,000 na likes sa Instagram.

Hindi naman din ito pinalampas ng kanilang mga taga-suporta at ibinahagi ng isang fan account--na nagngangalang @beadom.fanpage-- ang naturang larawan and sinulat, “Sunsets with sa nakatagged @beaalonzo.”

View this post on Instagram

A post shared by Bea🤍Dom (@beadom.fanpage)

Ibinahagi din ng aktor sa kanyang Instagram stories ang latest adventure nila ni Bea sa Amerika.

Makikita sa larawang ito ang kasiyahan ng bagong Kapuso star habang mayroon siyang hawak na rifle.

Kamakailan lamang, kumpirmadong magkasama ang dalawang showbiz personalities nang mag-post si Dominic ng kanilang larawan sa San Francisco Museum of Modern Art sa Amerika.

Ibinahagi din ng award-winning actress ang kauna-unahang litrato nila ng aktor sa kanyang Instagram account na ikinasaya ng fans at netizens.

Ilang beses na rin nakitang magkasama ang dalawa sa naturang bansa gaya na lamang noong sa baby shower ng anak ng dating aktres na si Beth Tamayo, ika-31 na kaarawan ni Dominic, at sa AutoCamp Yosemite.

Noong July 9, nagtungo si Bea sa Amerika upang magbakasyon bago sumabak sa trabaho bilang isang Kapuso.

Simula noon, madami ang nakakapansin na magkasama sila ng rumored boyfriend na si Dominic, na pumunta din sa naturang bansa, dahil sa kanilang magkaparehong posts sa social media.

Samantala, tingnan ang sweetest photos nina Bea Alonzo at Dominic Roque sa gallery na ito: