EJ Jallorina talks about working with Kapuso co-stars in 'What We Could Be'
Around GMA
Around GMA
Davao City Coastal Road Segment B nga lakip ang Davao River Bucana Bridge, abli na | One Mindanao PBB Collab 2.0: Housemates take on caroling challenge for 8th weekly task Heart Evangelista is cool and chic in baggy pantsArticle Inside Page
Showbiz News
EJ Jallorina on working with Kapuso stars in her first GMA show: 'Masaya ako dahil 'yung mga taong nakasama ko is so embracing.'
For the first time, napapanood ang dating Kapamilya child star na si EJ Jallorina sa GMA.
Kabilang si EJ sa cast ng GMA Telebabad series na What We Could Be, na co-produced ng Quantum Films.
Sa serye, gumaganap siyang Ate Vi, na best friend ng female lead na si Cynthia, na ginagampanan naman ni Ysabel Ortega.
Sa panayam ng GMANetwork.com kay EJ, nagkuwento siya tungkol sa experience niyang makatrabaho sa unang pagkakataon ang mga artista ng Kapuso network na parte ng What We Could Be tulad ng mga bida nitong sina Miguel Tanfelix, Ysabel, at Yasser Marta.
Aniya, "Masaya ako dahil 'yung mga taong nakasama ko is so embracing. Nag-e-embrace sila ng mga bagong tao and super saya nilang kasama and mahusay katrabaho and what else can you ask for.
"So ayon masaya lang ako na this is my first...because the pressure, alam mo 'yun, 'pag first time pero ginawa nilang mas magaan and I'm really thankful for them."
Sa What We Could Be, supportive at napaka-positive sa buhay ng character ni EJ pero kaya niyang i-real talk ang kaibigan para magising ito sa katotohanan, bagay na nagustuhan niya sa kanyang role.
Bahagi niya, "Ang daming sinasabi ni Ate Vi sa show na 'to, madami siyang words of wisdom kahit, sa totoo lang ayaw n'ya talaga mag-words of wisdom. So I think 'yung mga moments, 'yung mga scenes na nagbibigay siya ng payo sa kani-kanino, kay Cynthia at sa ibang characters pa, those are my favorite scenes."
Si EJ ay isang trans non binary kaya naman malaki ang pasasalamat niya na nag-e-evolve na ang mainstream entertainment pagdating sa LGBTQ+ community.
"I'm just really thankful na na-consider ako and 'yung responsibility, pinagtrabahuhan ko talaga siya 'cause I know this project and this story is worth telling. It's super light, super fun."
Mapapanood ang What We Could Be mula Lunes hanggang Biyernes, 8:50 p.m., pagkatapos ng Lolong sa GMA Telebabad.
May replay naman ang What We Could Be sa GTV-Channel 27 weeknights. Ipapalabas ang rom-com series mula Lunes hanggang Huwebes sa ganap na 11:30 ng gabi, at Biyernes sa oras naman na 11:00 p.m.
May livestreaming din ang What We Could Be sa GMA Network website, at sa official Facebook page at YouTube channel ng GMA Network.
Magiging available ang episodic highlights ng bagong teleserye sa GMANetwork.com o GMA Network app at sa official social media pages ng network.
https://www.gmanetwork.com/entertainment/tv/what_we_could_be/videos/
Para sa iba pang updates tungkol sa What We Could Be, bisitahin ang kanilang official Facebook page (WhatWeCouldBeGMA) at Instagram account (whatwecouldbegma).
NARITO ANG PASILIP SA BAGONG KAKIKILIGANG SERYE SA GABI:
