Around GMA

Article Inside Page

Ginulat nina Eman Bacosa Pacquiao at Jillian Ward kamakailan ang netizens sa kanilang nakakakilig na unang pagkikita sa premiere night ng KMJS Gabi ng Lagim The Movie.

Maliban sa hatid nilang kilig, umani ang kanilang pagkikita ng iba't ibang reaksyon. Isa na rito ang napansin ng iba na diumano'y masyado raw touchy si Eman kay Jillian dahil sa kanyang mga paghawak sa bewang at ilang beses na pagyakap sa aktres.

Sa kanyang pagbabalik sa Kapuso Mo, Jessica Soho, nilinaw ni Eman ang kinasangkutan niyang isyu.

“Sa mga gumagawa po ng negative issue, bago ka mang-judge ng isang tao, alamin mo muna kung ano 'yung totoo,” pahayag ni Eman.

Dinepensahan din ng fans at ibang netizens ang Sparkle artist, na natural lang kay Eman ang pagiging sweet dahil kapansin-pansin din ang kanyang pagiging touchy sa kanyang tatay na si Manny Pacquiao at sa iba pang nakasalamuha niya sa premiere night, tulad nina Dingdong Dantes, Barbie Forteza, at Jessica Soho.

Nagkaroon ng unang guest appearance si Eman sa Kapuso Mo, Jessica Soho noong November 9, kung saan ikinuwento niya ang kanyang simpleng buhay bilang boksingero.

Kasunod ng kanyang guesting, lumabas din siya sa Fast Talk With Boy Abunda noong November 18, kung saan unang inamin niya na crush niya si Jillian.

Matapos ang sunod-sunod niyang guest appearances, opisyal nang pumirma si Eman sa Sparkle noong November 19.

Panoorin ang buong panayam dito:

Samantala, mas kilalanin dito si Eman Bacosa Pacquiao: