Around GMA

Article Inside Page

Tapatan ng Esports Gamers at Esports Casters ang masasaksihan sa "malayang makitawa, malayang makisaya" Friday episode ng Family Feud.

Ngayong June 26, tampok sa Family Feud ang diskarte sa paghula ng mga personalidad mula sa mundo ng Esports.

Mapapanood sa Esports Gamers si Johnmar "OhMyV33NUS" Villaluna, renowned Filipino Mobile Legends: Bang Bang (MLBB) player na namuno sa multiple championships kabilang ang M3 Worlds. Nakakuha rin siya ng top prize sa Mobile Legends Philippine League Seasons 7, 8 at 10 at gold medal sa Mobile Legends event sa 31ST SEA Games noong 2022.

Kasama rin niya ang ilan sa pinakamalalaking pangalan sa esports scene na sina Kiel Calvin "OHEB" Soriano, ang Mobile Legends Philippine League Seasons 7, 8, 10, 15 and 16 champion; si Gerald "Dlar" Trinchera, ang 1st runner-up sa Mobile Legends M3 Worlds at Mobile Legends Philippine League Seasons 4, 5 and 8; at si Danerie James "Wise" Del Rosario, grand prize winner sa Mobile Legends Philippine League Seasons 7, 8 and 10 sa Mobile Legends M3 Worlds at fellow gold medalist sa SEA Games.

PHOTO SOURCE: Family Feud

Samantala, hindi rin basta-basta ang mga Esports Casters na siyang nagbibigay-buhay sa bawat laban sa pamamagitan ng kanilang live commentary. Pangungunahan sila ng beteranong shoutcaster na si Manjean Faldas, 10-year veteran shoutcaster ng League of Legends, Defense of the Ancients o DOTA 2, MLBB, at Honor of Kings competitions.

Makakasama niya sina Sh1nboo Ponferrada, Esports Caster for 12 years; Inna Chantelle Hernandez, runner, volleyball player, at shoutcaster for eight years; at si Lhea Lei "Yasumeow" Sulit, ang decade-long shoutcaster sa iba't ibang Esports.

Abangan ang fresh episode ng Family Feud ngayong June 26, 5:35 p.m. sa GMA at sa Kapuso Stream.

Huwag kalimutang sumali sa “Guess More, Win More” promo ng Family Feud! Manood lamang ng Family Feud para sa pagkakataong manalo ng papremyo araw-araw. Tutok na Lunes hanggang Biyernes sa Family Feud para sa kabuuang detalye.