Eugene Domingo, ikakasal na ba sa Italian partner?
Around GMA
Around GMA
12-hour brownout in areas of Iloilo City set on Dec. 7, 2025 How Innovation is Transforming Healthcare Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
Nakatanggap ng mga pagbati si Eugene Domingo na sa kasal karaniwang naririnig gaya ng "Best wishes" at "Congratulations" matapos mag-post ng dalawang copper rings.
Nakatanggap ng wedding greetings ang Dear Uge star na si Eugene Domingo matapos mag-post ng larawan ng dalawang copper rings sa kanyang Instagram account ngayong araw, December 20.
Tila wedding rings ang nasa larawan dahil magkaiba ang sukat at hugis ng mga ito.
In a relationship ngayon si Uge sa Italian national na si Danilo Bottoni, isang film critic, kaya naman hindi maiwasang makatanggap ng mga pagbati ang aktres na sa kasal karaniwang naririnig gaya ng "best wishes" at "congratulations."
Hindi naman idinetalye ni Uge kung para saan ang mga singsing. Bagkus, nagpasalamat siya sa Blue Fame Handcrafted, ang maker ng locally handcrafted rings.
Usap-usapan na kasal na sina Uge at Danilo ngunit wala paring direktang pag-amin mula sa aktres.
Sa kabila nito, mukha namang happily in love ang dalawa sa isa't isa.
Sa katunayan, makikita sa Instagram account ni Danilo ang mga sweet photo nila ni Uge na kuha mula sa kanilang bakasyon sa loob at labas ng bansa.
Sa isang dating panayam, ibinahagi ni Uge ang kanyang ideal wedding.
"It's very simple, it's very small, it's very fast. Church wedding, yes, sa maliit lang na old chapel," saad niya.
