Around GMA

Article Inside Page

Tila pinag-isip ni Eugene Domingo ang basketball player na si JC Intal tungkol sa kanyang engagement nang maglaro ang huli sa Celebrity Bluff.

Nitong Sabado, January 23 muling napanood sina Eugene, Jose Manalo, Boobay, at Brod Pete sa all-original Pinoy comedy game show na Celebrity Bluff.

Samantala, celebrity siblings naman ang nak-“Fact or Bluff.” Teammates ang basketball bros na sina Kiefer at Thirdy Ravena, magkakampi ang former child stars na sina Antoinette at Tom Taus, at magka-tandem naman sina JC at Rex Intal.

Sa introduction palang ay sinubok na agad ni Eugene si JC.

Sambit ng Celebrity Bluff host, “Ikaw naman, ang bilis mo namang magpa-engage-engage. Hindi mo pa nga ako nakikilala. O ngayong nakita mo na ako, nagsisisi ka ba?”

Tugon naman ni JC, “Napakaganda niyo ma'am.”

Hindi man ikinatuwa ni Eugene ang pagtawag sa kanya ng “ma'am,” kinilig naman ang host nang abutan siya ng tubig ng basketball player. Pero dahil dito ay nagselos si Jose.

Paghamon ng komediyante, “Pag hinamon ba kita ng suntukan lalaban ka?”

Saan kaya hahantong ang tapatan nina Jose at JC? Balikan ang January 23 episode ng Celebrity Bluff sa video sa itaas.