Around GMA

Article Inside Page

Isa sa mga pinakakilalang karakter na ginampanan ni Eugene Domingo ang Kimmy Dora, na nagkaroon ng film series--ang Kimmy Dora: Kambal sa Kiyeme (2009), Kimmy Dora: The Temple of Kiyeme (2012), at Kimmy Dora, Ang Kiyemeng Prequel (2013).

Kaugnay nito, nabanggit ng kilalang comedienne na may napipisil na siyang puwedeng gumanap ulit sa kaniyang dating role at iyon ay ang content creator at social media star na si Sassa Gurl.

Sa media conference ng reboot ng Takeshi's Castle, inamin ng actress-comedienne na ini-stalk niya ang profile ng kaniyang co-host at sinabing nakikita niyang “mataba” ang utak nito.

“I think, in your generation, if you can, if some people, some producers will really trust you, you can be the next Kimmy Dora,” pahayag ng aktres.

Ang reaksyon ni Sassa, “Aay!! Nakakaloka!”

Ngunit biro ng actress-comedian, “Pero since walang nagtitiwala, sorry.”

BALIKAN ANG MGA DIGITAL CONTENT CREATORS, KABILANG NA SI SASSA GURL, NA DUMALO SA NAGDAANG GMA GALA 2023:

Ipinahayag din ni Eugene kung gaano siya ka-excited makatrabaho ang isa sa mga upcoming comedians katulad ni Sassa.

“Hindi sila sa TV sumikat, sa social media, but they're doing very, very well at ang dami nilang tigahanga,” sabi ng aktres.

Dagdag pa nito, “At saka wala siyang takot. Katulad ng mga contestants sa Takeshi's Castle, walang takot, move, move, move.”

Bukod kina Eugene at Sassa Gurl, mapapanood din sa Takeshi's Castle si Smokey Manaloto, na isa sa mga orihinal na host ng programa ng umere ito sa Pilipinas noong dekada '80.