Euwenn Mikaell, natakot kay Eula Valdes sa 'Forever Young'
Around GMA
Around GMA
Sara Duterte urges gov't to 'act now' to make schools safer Bagyong Francisco nga anaa sulod sa PAR, nagkakusog | Balitang Bisdak This luxury brand is elevating pet care with dermatology and skin treatmentsArticle Inside Page
Showbiz News
Ano nga ba ang masasabi ni Euwenn Mikaell sa 'Forever Young' co-stars na sina Michael De Mesa at Eula Valdes? Alamin dito.
Hindi naiwasang matakot ng award-winning Kapuso child actor na si Euwenn Mikaell nang una niyang makasama sa workshop ang beteranang aktres na si Eula Valdes para sa afternoon series na Forever Young.
Kuwento ni Euwenn sa Update with Nelson Canlas, inilarawan niya si Eula na "nakakatakot" noong workshop pa lamang nila sa Forever Young.
"Dati po dini-describe ko siya na nakakatakot nu'ng workshop pa lang. Tapos nu'ng narinig n'ya ako, 'Anong nakakatakot?'" sabi ng 11-year-old actor.
Pero, ani Euwenn, nagbago ang kanyang impresyon nang mas nakilala niya si Eula. Sabi niya, "Nakakatawa po siya, cool."
Bukod kay Eula, inilarawan din ni Euwenn ang beteranong aktor na si Michael De Mesa.
"Si Tito Michael, nakakatawa po siya, nagpapatawa. Talkative katulad ko. Nag-uusap lang po kami. Doon po nanggaling 'yung [octopus] flashy na ibinigay niya sa akin kasi nag-uusap lang po talaga kami."
Dagdag pa ni Euwenn, kakulitan niya rin sa set sina Eula at Michael, maging ang iba pang cast na sina James Blanco at Bryce Eusebio.
Sa Forever Young, napapanood si Euwenn bilang Rambo Agapito, habang gumaganap naman sina Eula at Michael bilang Esmeralda at Eduardo.
Abangan ang Forever Young, Lunes hanggang Biyernes, 4:00 p.m. sa GMA Afternoon Prime.
Pakinggan ang buong interview ni Euwenn Mikaell sa Update with Nelson Canlas dito:
MAS KILALANIN SI EUWENN MIKAELL SA GALLERY NA ITO:
