EXCLUSIVE: Ashley Rivera, nadadala sa mga iyakan moments ni Andrea Torres sa 'The Better Woman'
Around GMA
Around GMA
Rider shot dead in Taguig ambush; 2 friends nabbed 5 cops relieved over robbery probe in Porac A festive beauty pop-up opens in the South just in time for the holidaysArticle Inside Page
Showbiz News
“Ang galing ni Ada (Andrea Torres) mag-internalize," ang komento ni Ashley Rivera tungkol sa kanyang co-star sa 'The Better Woman.'
Refreshing para sa sexy comedienne na si Ashley Rivera na makita ang husay ng kanyang kaibigan na si Andrea Torres pagdating sa drama.
EXCLUSIVE: Ina Feleo, natutunan umarte nang 'natural' kay Jaclyn Jose
First time na magkakatrabaho sa isang drama series sina Ashley at Andrea na co-stars sa longest-running gag show ng bansa na Bubble Gang.
Gagampanan ni Ashley ang karakter ni Chesi Rodriguez sa primetime soap.
Sa sit-down interview niya sa GMANetwork.com last June 27, puro papuri ang sinabi ni Ashley sa The Better Woman lead actress.
Wika niya, “Ang galing ni Ada (Andrea Torres) mag-internalize at saka dun sa script madadala ka.”
“Yung usual na eksena namin para kaming best friends, so very natural 'yung dating, kasi hindi siya acting parang may times nag-aadlib kami.”
Dagdag ni Ashley, “Tapos pagdrama naman, pag-umiiyak siya madadala ka rin kasi makikita mo hagulgol na siya ganyan, tapos 'yung mga sinasabi sa script ikaw rin bilang bestfriend you feel for her so madali 'yung mga eksena.”
Huwag papahuli sa world premiere ng The Better Woman weeknights, simula July 1, pagkatapos ng Sahaya sa GMA Telebabad.
