Around GMA

Article Inside Page

Isa sa mga inaabangan sa telefantasyang Sirkus ang pagganap ng beteranong aktres na si Cherie Gil bilang kontrabida. Bibigyang buhay niya ang karakter ni La Ora na siyang magpapahirap sa mga taong-sirkus.

Sirkus: Ang pinakabagong fantasy series ng GMA

Pero kahit na kilala siya bilang kontrabida sa mga palabas at pelikula, curious pa rin ang marami kung anong klaseng atake ang kanyang gagawin dito. Hindi tuloy naiwasang matakot at ma-intimidate ng lead stars ng serye na sina Mikoy Morales at Mikee Quintos.

Mikee Quintos and Mikoy Morales consider working with Cherie Gil a milestone

Sa eksklusibong panayam ng GMANetwork.com kay Cherie, nagbigay siya ng reaksyon patungkol dito.

“I dunno if that’s flattery or compliment. I guess siguro hindi pa sila pinapanganak, artista na 'ko. I guess that’s old people’s rights,” saad niya.

Pero dagdag ng aktres, nakagaanan naman niya ng loob kaagad ang mga ito dahil masaya silang katrabaho. Natutuwa pa siya at nakatrabaho niya si Mikoy na runner-up sa dating talent search na Protégé kung saan naging judge ang batikang aktres.

“I was a judge when he was in Protégé and to see him now actually working professionally, natutuwa ako. Kasi noon pa lang, nakita ko na ang kanyang potential,” saad niya.

Proud pa siya kina Mikee at Mikoy dahil perfect ang chemistry ng kanilang tandem. Hindi naging mahirap kay Cherie na makibagay sa mga ito dahil sila pa mismo ang lumalapit para makipagkwentuhan sa batikang aktres.

Aniya, “They’re very cool. In fact, the first day na nagte-taping ako, na-obersebahan ko talaga sila because sila ang lead. It takes a lot for me to get drawn by young actors and I found myself just watching them and I’m enjoying it. And so I kinda felt na that moment ang perfect ng chemistry nila. Cute talaga sila. I really like them so much and they’re open and very genuine. And so, when they come and talk to me during breaks and share about their lives, I’m touched dahil feeling ko hip tita na pala ko. They just talk to me and I want them to do that, relaxed working with me and become one happy family. I like their tandem, maganda ang kanilang kombinasyon.”

Abangan si Cherie Gil sa Sirkus ngayong 2018 na.