Around GMA

Article Inside Page

Dahil sa banta ng COVID-19, minarapat ng management ng programang The Clash na magsagawa na lamang ng online auditions para sa third season nito.

Tatanggap ang Kapuso singing competition ng audition entries hanggang June 28, 2020 sa GMANetwork.com at sa official Facebook page ng The Clash.

Dahil hindi personal na ma-i-screen ang mga nais mag-audition, nagbigay ng payo ang isa sa mga hurado ng The Clash na si Christian Bautista sa pamamagitan ng isang Skype interview ng GMANetwork.com.

View this post on Instagram

The Clash ! #judge #clashpanel #donotjudgeajudgebyhishair @gmatheclash

A post shared by christian bautista (@xtianbautista) on Sep 7, 2019 at 2:36am PDT

Sambit niya, "Iba ang audition online, iba ang audition sa live.

"You can do it so many times, you can edit it, you can do take three, take four, take five so make sure kung ano 'yung isusubmit n'yo is the best."

Aniya, malaki ang allowance na maibibigay ng online audition kaya marapating suriin nang mabuti ang pyesa bago ito ipasa.

"It's so easy to say na do your best, ganyan. Pero, man, the leeway that online auditions are going to give you is so big.

"So kung isa-submit n'yo yan, review-hin n'yo every second of it para may impact agad."

Samantala, tinanong namin kung mananatili ba si Christian sa kanyang isktrikto at firm na imahe bilang panelista ng The Clash dahil may ilang manonood na tila hindi sang-ayon sa kanyang mga opinyon.

Ang sagot niya: "If that'll keep me in the show, then I'll keep it."

Dugtong niya, "If 'yung mga top 12, top five, top two go up to me and say, 'You pushed me to the right direction,' then I'll keep it.

"Merong mga ilan, hindi lahat, na nagsasabi sa 'kin na 'Thank you po.'

"Hindi masakit makarinig 'pag sinasabihan ka ng 'Sino ka ba?'"

Paliwanag pa niya, "If you do it from a place of concern and not a place of attack then later on, they will realize na kaya pala n'ya ko pinush nang hard para 'pag tumalon at bumagsak ako sa tubig at natuto akong lumangoy, maliligtas pala ko.

"Pero not everyone can take that.

"Some will need kind words so that's what Lani is there for.

"Some need to be joked to learn so that's what AIai is there for."

Abangan ang pagbabalik ng The Clash sa GMA.