Around GMA

Article Inside Page

Aminado ang Kapuso model/actor na si Gil Cuerva na bago sa kaniya ang pagkanta, ang kanyang hidden talent na mapapanood sa highly anticipated musical/romcom series na My Guitar Princess.  

EXCLUSIVE: Isabelle de Leon handa na maging tinik kay Julie Anne San Jose sa 'My Guitar Princess'

Gaganap si Gil bilang isang Canadian popstar na si Elton sa Kapuso series kung saan bibida rin sina Asia’s Pop Sweetheart Julie Anne San Jose at Kiko Estrada. Sa exclusive na panayam ng guwapong aktor sa GMANetwork.com, determinado raw siya na lalong mapahusay ang kaniyang singing talent.

“It’s something completely new to me [laughs] definitely. But, it is something that I want to get better at and I think I’ll get better at that through doing more of this,” pahayag niya.

Ibinahagi rin ni Gil na tinutulungan din siya ng tinagurian na “Master of Soul” na si Thor Dulay sa training niya.

Nakilala si Thor nang sumali siya sa isang sikat na TV singing competition noong 2013. Ngunit bago pa nito, naging backup vocal din siya ng renowned R&B singers na sina Jay R at Luke Mejares. Ngayon ay nakapag-release na ng apat na albums ang singer mula sa Davao City at nakatanggap na rin ng apat na parangal mula sa Awit Awards kabilang na ang Best Performance by a Male Recording Artist para sa kantang "Paano Ko Sasabihin." 

“Because I’m with Cornerstone Entertainment, I’ll be hopefully coached by Thor Dulay, so he’ll help me out when it comes sa singing, kasi anyways Thor coached me before. So dati nung nagmo-mall show ako siyempre, I’m not really a singer. I claim to be an actor. I’m not really a singer,” paliwanag niya.

Dagdag ng Kapuso model, “So, it was Thor who helped me out how to sing, ‘yung tono, pati ‘yung going down the stage and inviting the fans. ‘Yung presence.”

Abangan ang musika na magpapakilig sa inyo araw-araw na hatid ng My Guitar Princes, ngayong May 2018 na!