Around GMA

Article Inside Page

Isang malaking tulong daw para kay Kapuso actor Juancho Trivino ang non-profit organization niya na Relieve PH na inilunsad niya noong March 30.

Sa isang eksklusibong panayam ng GMANetwork.com, isinalaysay ni Juancho kung paano niya napag-isipan gumawa ng paraan para makatulong sa medical frontline workers sa panahon ng COVID-19.

Aniya, nagsimula ito nang makita niya ang kanilang wedding coordinator na nag-deliver ng kape sa mga ospital.

“It started during the first week ng quarantine and I saw our wedding host, si Chuck Araneta, na nagbigay ng coffee. Bumili siya ng mga coffee para dun sa hospitals that he is near.

“Parang dun na-trigger 'yung idea na, 'Oo nga pala! May pinsan nga pala ako at may kaibigan ako na nagtatrabaho dun sa ospital. Why don't I try to contact them?'

“'Di naman masyadong mahal ang coffee kaya sabi ko pwede namang magpadala. At 'yung mga delivery apps naman ngayon is active so I tried it out.”

View this post on Instagram

A post shared by Juancho Triviño (@juanchotrivino) on Apr 1, 2020 at 2:32am PDT

Dahil sa ipinakita niyang kawanggawa, na-encourage rin ang kanyang mga kaibigan na tumulong kaya't nagpulong-pulong sila para magbuo ng isang non-profit organization para sa frontline workers.

Sambit ni Juancho, “The reason why I posted it online was because I wanted to encourage other people also to help out in their own little way.

“With that, ang dami kong mga kaibigan na 'sige, tara magpadala tayo ng mga ganito at ganyan.' So doon nagsimula 'yung group of people who are pitching in to this small group that has been buying PPEs.”

Ipinagmalaki pa ng aktor na mayroon na silang maliliit na mga department sa organisasyon kung saan napapabilang ang Kapuso stars na sina Mikoy Morales at Thea Tolentino.

“We have the social media department na sina Mikoy [Morales] at Thea [Tolentino] nandun.

“Tapos may logistics, meron kaming finances, so parang eight kami sa group ta's lahat kami tig-da-dalawa per branch and we have been doing our part to coordinate with hospitals, ask them what they need, and then, i-aayon namin 'yung idedeliver namin at bibilhin namin sa mga pangangailangan nila.”

Kaya naman ang take-away ni Juancho sa experience: “It has been a huge help for me psychologically.”

“Dahil dito sa Relieve PH, mas nagiging exposed kami sa mga nangangailangan sa amin. I mean, kami dito were safe in our home and wala kami sa frontline. Tapos nakikita ko sila na wala silang protection, ginagamit nila 'yung mga plastic and gloves for their feet.

“So it helped me a lot psychologically thinking beyond myself and that goes through.

“Siyempre, I can't speak for my teammates, pero sinabi rin nila sa akin sa meetings namin na ang laki ng natutulong sa kanila nito. It gives them fulfillment and joy also.”

View this post on Instagram

A post shared by RelievePH (@relieve.ph) on Apr 17, 2020 at 9:10pm PDT

Proud wife

Maliban sa mga natutulungan ni Juancho, malaki rin ang paghanga ni Joyce Pring sa kanyang asawa ngayong nasa krisis ang bansa.

Paliwanag ni Joyce sa GMANetwork.com, “I think more than anything it made me realize something that I already knew about Juancho ---- that he is a very generous person, he's very compassionate.

“Whenever people ask me, 'Bakit sobrang sure ka na kay Juancho kaagad after just a couple of months?' I always tell them that I see him for who he is and what his heart is. And his heart is to put the needs of others before himself.

“The way he responded to this coronavirus pandemic shows just that. He felt that we have a privilege and a certain level of comfortability that I could actually operate in and use to help other people who are not as privileged and not as comfortable as we are.

“And alam mo 'yung parang ang galing lang din, it was a chance for him to lead his friends and to actually be connected with his friends. It was also a chance for him to use his influence, his God-given talent to lead, and his skill because he studied Business 'di ba? So parang nagagamit niya 'yung entrepreneurship degree niya with Relieve PH with the way he handles money.

“At the same time, I have confidence in his honesty and his heart.

“Kasi one of the first things he told me was, I need to post this on social media para may level of transparency. Para alam ng mga tao na 'pag mayroon silang binigay, every centavo goes to the cause of Relieve PH and I feel like 'yun' yung pinakanatutunan ko sa kanya.”

Watch full interview with Junacho Trivino and Joyce Pring in the video below:

Juancho Trivino donates more than 200 PPEs in local hospitals

Celebrity couples na tumulong sa COVID-19 crisis