EXCLUSIVE: Luis Hontiveros, maraming natutunan working with Carla Abellana, Rocco Nacino sa 'To Have And To Hold'
Around GMA
Around GMA
Cloudy skies, scattered rains forecast across PH Italian resto opens in Molito; promises 'refined but unpretentious' food Duterte calls plunder, graft raps a 'fishing expedition'Article Inside Page
Showbiz News
Doble daw ang effort na ibinibigay ng actor/model na si Luis Hontiveros sa tuwing sasabak sa taping at makaka-eksena ang magagaling na aktor sa 'To Have And To Hold.'
Isang malaking learning experience para sa hottie na si Luis Hontiveros na makasama ang ilan sa pinakamagagaling na drama actors ng GMA-7 sa first drama project niya as a Kapuso na To Have And To Hold.
Bibida sa highly-anticipated soap sina Carla Abellana, Rocco Nacino, at Max Collins. Dito gagampanan ni Luis ang role bilang Daryl at makakapareha niya ang StarStruck alumna na si Athena Madrid na gaganap naman bilang Grace.
Sa panayam ng GMANetwork.com kay Luis noong Miyerkules, June 30, tinanong namin siya kung ano ang nararamdaman niya na nakasama sa isang project ang ilan sa mga tinitingalang bituin pagdating sa drama series.
Saad niya, “Kakaiba 'yung feeling and very grateful sa experience kasi unang-una on a personal level 'yung amount of growth na nakukuha namin dito ni Athena ibang klase.”
Mabusisi rin daw ang naging preparasyon nila ni Athena para sa serye.
Paliwanag niya, “Pinaghandaan namin ito ni Athena rin 'yung mga roles namin sina Grace and Daryl, talagang pinag-aralan namin yan sa workshop and even dun sa lock-in taping. First day pa lang namin, first night pa lang inupuan na namin yan, nag-character analysis na kami, so nag-brainstorm talaga kami, kasi 'yun nga 'yung sinabi ni Athena parang mga batikang actor, e,
“Rocco Nacino, Max Collins, and then Carla Abellana, parang nakakahiyang hindi makasabay or hindi makapagbigay.” dagdag ni Luis.
Madami din “firsts” para sa kanilang ng kanyang kapareha doing such project, kaya looking forward sila sa mga susunod na leg ng kanilang lock-in taping.
Kuwento ni Luis, “And 'yun 'yung last na sinabi ko kay Athena parang we can be as good as individually, pero kailangan natin na to show our collaboration--- 'yung pairing namin, kailangan mapagana na talagang tumagos sa screen ng TV 'yung feelings para maramdaman kami.
“Kasi, first-ever primetime show namin parehas ni Athena, first-time being in a loveteam, first-time heavy drama, so ang daming first-time. 'Yung pressure sabi nga ni Athena mixed-emotions, pero we came in prepared, we are still preparing, nag-aaral pa rin kami patuloy ni Athena--workshop walang tigil 'yan and 'yun very excited lang na maka-eksena pa sina Max, si Carla, and Rocco, and everyone else.”
Nakakagulat din ang rebelasyon ng ka-loveteam ni Luis na si Athena Madrid nang sabihin nito sa exclusive interview niya para sa Kapuso Showbiz News na tinamaan siya ng nakakahawang COVID-19 noong Marso.
Panoorin ang full interview ng nakababatang kapatid ni Ruru Madrid sa video below.
