Around GMA

Article Inside Page

Sa pagbabalik ng nag-iisang Superstar na si Nora Aunor sa primetime, napahanga kaagad siya sa galing sa pag-arte ng baguhang aktres na si Jo Berry.

Madalas niyang kaeksena si Jo dahil mag-ina ang kanilang roles sa upcoming drama series na Onanay.

"Madalas siya ang kaeksena ko simula nung nag-taping ako. Sobrang mabait siya, magaling na bata at magaling na artista. Turing ko sa kanya ay anak ko talaga," paglalarawan ng Superstar kay Jo sa eksklusibong panayam ng GMANetwork.com

Sa kabila ng stature ng premyadong aktres, nananatili pa rin siyang mapagpakumbaba, at marunong ding makibagay sa kanyang mga kapwa artista. Nasaksihan mismo sa pictorial ng serye ang magandang relasyon nila ni Jo. Isa ito marahil sa mga dahilan kung bakit patuloy pa rin siyang tinitingala.

Paglilinaw ng Superstar, "Lahat ng kasama ko dito siyempre magagaling na artista, at hindi lang tinitingnan kung ano 'yung arte ko. Sa ngayon naman, para kaming magkakapatid, masaya lang kami sa set. 'Di lang kami mga artista, kung 'di [mga normal na tao rin]. Lahat ng mga kasamang staff and crew, may pagmamahalang nararamdaman."

Abangan ang very special participation ni Superstar Nora Aunor sa Onanay, malapit na sa GMA Telebabad.