Around GMA

Article Inside Page

Matagal nang tapos sa kursong nursing at nakapasa na rin sa board exams si Kapuso actor Rocco Nacino.

Pero hindi pa rin siya tapos sa kanyang academic journey. Ipinapagpatuloy pa rin kasi ni Rocco ang kanyang pag-aaral. 

"I'm finishing my masters of science in nursing. Outlet ko 'yun. It's the closest I can get to practicing nursing because I can't be a doctor anymore," bahagi ni Rocco sa isang eksklusibong panayam ng GMANetwork.com.

Malapit din daw sa kanyang trabaho bilang aktor ang espesyalisasyong napili niya. 

"Me and my group, we're in the process of specializing in aesthetic nursing which I think is connected dito sa showbiz," pahayag nito. 

"There are simple procedures that nurses will be able to do like needling, 'yung mga botox treatment, derma fillers—'yung mga pagpapaganda. We'll be able to help people who want to be in the business of skin care clinics to be able to do aesthetic procedures in order to enhance our appearance," dagdag pa ng aktor.

Bukod doon, gusto rin daw mapabilang ni Rocco sa board of nursing.

"I'm capitalizing on that to be part of the board of nursing. Sana magtuloy-tuloy na maging part na kami ng PRC. It's gonna be a huge responsibility which I think I can handle," aniya.

Kung sakaling matuloy ito, magiging bahagi daw si Rocco ng paggawa ng mga board questions at modules para sa iba pang taong nais kumuha ng masters sa aesthetic nursing. 

"That's another milestone for me if I'm able to pull this off," pagtatapos niya. 

Mahirap man, naisasabay naman daw ni Rocco ang pag-aaral sa kanyang showbiz career. Kasalukuyan siyang gumaganap bilang Gerald sa GMA Afternoon Prime series na Haplos kasama sina Sanya Lopez, Thea Tolentino at Pancho Magno.