Around GMA

Article Inside Page

By CHERRY SUN

“I fell in love with my character, but I think I fell in love more with Destiny Rose.”

Ito ang naging pag-amin ni Fabio Ide tungkol sa kanyang character na si Gabriele at co-star na si Ken Chan sa panayam ng 24 Oras.

Dagdag pa niya, talagang nakakabighani si Destiny Rose dahil babaeng babae ito sa mga kilos at pananalita. Kaya naman, hindi rin daw naging mahirap ang naging kissing scene nila.

READ: Ken Chan, kinumpirmang totoo ang halikan nila ni Fabio Ide 

“Every time I’m on the set, when I look at Ken Chan and he’s dressed as Destiny Rose, I forget he’s Ken Chan,” sambit ng aktor.

Kuwento ni Fabio na noong una ay medyo nagpapakiramdaman sila ni Ken ngunit ngayon ay very close at komportable na sila sa isa’t isa.

“Ken is a very, very sweet person. He’s super, super mabait, super masipag, professional talaga. We make a lot of jokes. Every time palaging may jokes. That’s something that before I didn’t know about him, he’s a joker,” bahagi ni Fabio.

Sa nalalapit na pagtatapos ng Destiny Rose, inamin din niya na mami-miss niya ang kanyang mga katrabaho. Gayunpaman, lubos ang pasasalamat niya sa Kapuso network para sa pagkakataong maging bahagi ng naturang programa.

“It will be unforgettable, not just for me as Fabio Ide, but for me as an actor talaga. It was the biggest break that GMA gave to me. I’m so happy, like I have no words to describe to GMA how grateful I am for the opportunity,” ani Fabio.

Ano pa ba ang dapat abangan sa Destiny Rose?

“Malalaman ko na [si Destiny Rose] si Joey dati. Pero syempre I also love Joey as a person, as a friend ‘di ba. Pero at the same time I’m a straight guy, right. Macho-macho ako dito sa istorya so medyo magulo nang konti,” pahayag niya.


Video courtesy of GMA News