Around GMA

Article Inside Page

Kumportable umano ang Encantadia Chronicles: Sang'gre star na si Faith da Silva na maikumpara kay Miss Universe 2015 Pia Wurtzbach. Sa katunayan, inspirasyon din ng young actress ang beauty queen pagdating sa karera at pamilya.

Madalas maikumpara si Faith kay Pia tuwing nagpo-post siya sa kanyang Instagram account dahil sa pagkakahawig niya dito. Sa Updated with Nelson Canlas podcast, sinabi ng aktres na kumportable naman siya sa comparison na ginagawa ng netizens sa kanila.

“Oo naman [kumportable], I mean, siyempre ako, ayoko lang - ayokong magyabang. 'Di ba? Ayoko namang sabihin, 'Oo nga, kamukha ko nga siya. Thank you, Lord.' 'Di ba?” sabi ng aktres.

Dagdag pa ni Faith, naging malaking source of inspiration din niya si Pia simula nang sumali ito sa pageants dahil sa ipinakitang perseverance at hardwork ng beauty queen.

Dagdag pa ni Faith, “At saka until now, 'di ba, nakikita n'yo naman, working pa rin talaga siya. Kahit na happy na 'yung family, mayroon na siyang sarili niyang pamilya. At saka idol ko siya kasi successful siya sa career niya.”

“She took her time na magkaroon ng relationship. Tapos yung partner na mayroon siya ngayon, 'di ba, parang perfect match silang dalawa. So gusto ko parang ganun,” pagpapatuloy niya.

MAS KILALANIN PA SI FAITH SA SILVA SA GALLERY NA ITO:

Dahil madalas maikumpara sa beauty queen, sa interview ni Faith sa Fast Talk with Boy Abunda noong September 2023 ay tinanong siya kung gusto rin ba niyang sumali sa pageants. Ang sagot ni Faith, “Sa totoo lang, when I was younger, 'yun ang gusto kong gawin.”

“Pero nung nag-transition ako to teenage hanggang sa early adulthood, parang nawalan ako ng kumpiyansa sa sarili ko. Pero ngayon, now that, 'yun nga with what I've said na I'm growing and I'm learning so much things, puwede. Bukas po ako,” sabi niya.

Sabi pa ni Faith ay sisiguraduhin niya munang 100 percent ready na siya bago siya mag-submit ng application at sumabak sa training.

“I'm excited for that journey pero hindi ko siya minamadali. I wanna take my time,” ani ng aktres.

Pakinggan ang buong interview ni Faith dito: