Iya Villania and Drew Arellano start building their dream house

Masayang ibinahagi ni Iya Villania ang isa sa pinakaespesyal na araw sa buhay ng kanyang pamilya.

Sa Instagram, ipinakita ni Iya ang isinagawang groundbreaking ceremony para sa pagsisimula ng kanilang dream house. Kasama niya ang asawang si Drew Arellano at ang tatlong anak na sina Antonio Primo, Alonzo Leon, at Alana Lauren.

"Today was a special day. A first for our family. Thank you, Lord," pagbabahagi ni Iya.

Sa isa pang post, ibinahagi ni Iya ang larawan nilang pamilya kasama ang inang si Elena sa harap ng bubuuhing tahanan.

"We tried to get Alana to look but our little construction worker was too busy," sulat niya.

Noong November 2020, una nang ibinahagi ni Drew na nahanap niya sa probinsya ng Rizal ang "most feasible place" para sa pinapangarap na bahay sa kanyang pamilya.

Samantala, tingnan ang masayang pamilya ni Iya Villania at Drew Arellano sa gallery na ito: