Around GMA

Article Inside Page

Dalawang former professional basketball stars ang maghaharap sa pagpapatuloy ng “Four-ever ang Tawa, Four-ever ang Saya, Family Feud is Four-ever” celebration!

Sa espesyal na episode na ito, mapapanood ang showdown na siguradong puno ng tawanan at high-energy fun. Pangungunahan ito ng dating Philippine Basketball Association (PBA) star na si Paul Artadi na kilala bilang “Kid Lightning” at kapwa dating cager na ngayon ay public servant na si Ervic Vijandre.

Mapapanood sa Team Lightning ang former star ng University of the East Red Warriors at PBA standout na si Paul Artadi. Si Paul ay former public servant sa San Juan City at abala ngayon sa basketball, vlogging, and business.

Makakasama niya ngayong Miyerkules ang asawa niyang si Maggie Artadi; ang successful businesswoman at avid tennis player na kapatid ni Paul na si Marie Artadi-Arcenas; at ang brother-in-law ni Paul at asawa ni Marie na si RC Arcenas.

PHOTO SOURCE: Family Feud

Sa The Action Squad, maglalaro si Ervic Vijandre o "Konsi Ervic." Siya ay isang aktor, basketball player, entrepreneur, at City Councilor ng San Juan City.

Kabilang sa The Action Squad ang executive secretary ni Ervic na si Haile Baggay; ang dedicated City Hall staff member na si Jasmin Fortea; at si Trish na isa sa mga hardworking legislative team ni Ervic.

Abangan ang bakbakan ng Team Lightning at The Action Squad sa Family Feud ngayong March 11, 5:40 p.m. sa GMA at sa Kapuso Stream.

Patuloy pa rin ang mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Hating Kapatid, House of Lies, Apoy sa Dugo, Fast Talk with Boy Abunda, Delightfully Deceitful, Encantadia Chronicles: Sang'gre at Never Say Die.