What's Hot
Frencheska Farr, bidang-bida na sa Emir
Published January 1, 1970 8:00 AM PHT
Updated May 12, 2020 12:51 AM PHT
Around GMA
Around GMA
Zaldy Co was building 5-storey basement in Forbes Park to store cash — DILG Bus trips in Laoag fully booked until January 1, 2026 Straight from the Expert: Lechon after the celebration (Teaser)Article Inside Page
Showbiz NewsFrencheska Farr, bidang-bida na sa Emir
Humanga ang Tweetbiz team kay Frencheska Farr nang mag-sample siya ng Bakit Ako Naririto?, ang theme song ng pinagbibidahan niyang musical movie na Emir,/i>, directed by Chito Roño and produced by the Film Development Council of the Philippines in association with the Cultural Center of the Philippines, with the support of the President’s Social Fund.
Excited na si Frencheska dahil malapit nang ipalabas sa June 9 ang Emir. Hanggang ngayon nga ay hindi pa rin siya makapaniwala na sa unang pelikula niya ay bida agad siya.
“Hindi ko po ine-expect yung ganitong project. Inisip ko po noon pagkapanalo ko sa Are You The Next Big Star? na kung may darating po na project, hindi po ganitong kalaki at hindi po ganito ka-special. Kaya talagang pakiramdam ko po talagang binuhusan ako ni Lord ng sobrang laking blessing.”
“Ako po sobrang proud po ako sa movie. Sobrang proud po ako sa mga taong nakasama ko. Sobrang proud din po ako sa sarili ko dahil nagawa ko po itong ganitong klaseng project at natapos ko po ito nang maayos. Sobrang nagpapasalamat po ako sa lahat ng taong tumulong po sa akin lalung-lalo na sa GMA Artist Center sa pagsuporta sa akin. Pati sa lahat ng bumubuo ng Emir, especially kay Direk Chito Roño,” sabi ni Frencheska nang ma-interview siya ng Tweetbiz web.
Muntik na palang mag-backout noon sa audition si Frencheska nang makita niya na may mga celebrities siyang makakasabay sa audition. Ilan kasi sa mga nakasabay niya ay sina Yeng Constantino, Sitti at Karylle. Pero siya nga ang napili. Mabuti na lang at pinilit siya ng kanyang mommy na ituloy ang pag-audition. Pagdating naman kasi sa talent sa pagkanta ay hindi pahuhuli si Frencheska.
Originally din pala ay si KC Concepcion talaga ang gaganap sa role ni Frencheska bilang yaya na si Amelia. Pero dahil sa conflict sa schedule ni KC ay kinailangan itong palitan.
Nag-shooting pa sila sa Morroco para maging makatotohanan ang maraming mga eksena sa movie. Bukod kay Frencheska, kasama rin sa cast ng Emir sina Sid Lucero, Dulce, Julia Clarete, Jhong Hilario, Beverly Salviejo, Bayang Barrios at marami pang iba. -- Tweetbiz
Pag-usapan si Frencheska sa mas pinagandang iGMA.tv Forum! Not yet a member? Register here!