Around GMA

Article Inside Page

Panibagong yugto na puno ng aksyon at mahika ang dapat abangan sa GMA superserye na Encantadia Chronicles: Sang'gre.

Maliban sa pagbalik ng ilang karakter mula sa 2016, babalik na rin sa set ang cast para sa upcoming new scenes ng superserye.

Isa na rito si Gabbi Garcia na ginagampanan ang karakter na si Sang'gre Alena.

"It's been crazy because, of course, 2016, then ginawa namin 'yung first part, and then ngayon, pinapalabas na ulit, and then I'm back to taping again for Sang'gre. So, niloloko ko na nga, 'Jusko, baka mag-trenta na ako, nandito pa din ako!'” aniya.

“It's been fun, Tito Boy. You know, 'yung mga tao sa Encantadia, may it be cast or production, they're family. It's just like going back to your OG show. Parang gano'n na siya. So, I can't say it's the same, but a lot of things have changed, pero the love is still the same.”

Sa kanilang kuwentuhan, ibinanggit din ng aktres ang mga reaksyon ng fans sa kanyang karakter.

"Sa first part ng 2025, I've been reading kasi comments on social media about my character specifically, a lot of people were agreeing to it, a lot of people were kind of disappointed how my character turned out to be. Ang masasabi ko lang, itong pagbabalik-taping ko, you guys won't be disappointed,” pahayag niya.

“[Noong] 2016 kasi, they were telling me na bakit daw may mga episodes na wala ako. We all know that the story changed, the storyline changed. It was a bit, not actually a bit, it was really different from the 2005 version and the 2016 just because things changed. And that was out of my control.”

Paliwanag din niya na minor pa lang siya noon, kaya limitado lang ang kanyang shooting.

Idiniin niya rin na "out of [her] control" ang istorya, pati na rin ngayon sa Sang'gre.

“So fast forward to 2025, some people were still saying na parang kaya daw nagkagano'n 'yung character kasi I wasn't present. Ngayong 2025, I also had—wala, I had no control over the story. And also may bago na ring generation ng Sang'gres. But ayun na nga, this coming weeks sa Sang'gre, medyo maiiba. And you guys won't be disappointed. To the Alena fans,” paliwanag niya.

Abangan si Gabbi bilang Alena sa superserye Encantadia Chronicles: Sang'gre, 8:05 p.m. sa GMA Prime at 9:45 p.m. sa GTV.

Mapapanood din ito via Kapuso Stream sa official Facebook account at YouTube ng GMA Network. Maaari ring panoorin ang full episodes sa GMANetwork.com/Sanggre.

Samantala, balikan ang kanyang interview dito: