Around GMA

Article Inside Page

Para kay Kapuso It Girl Gabbi Garcia, wala namang masama na mag-travel at mag-enjoy ang isang tao lalo na kung ang gagamitin naman niya ay ang pera na kinita niya sa pagtatrabaho. Sa katunayan, ayon sa aktres, ay dapat maging proud pa nga sila dito.

Kamakailan lang ay nag-viral ang post ni Gabbi kung saan makikita ang Encantadia Chronicles: Sang'gre star sa iba't ibang lugar na napuntahan na niya, kalakip ang mga katagang "Rich in life 'cause I can travel the world and live my best days with my own hard-earned money."

Sa panayam kay Gabbi ni Athena Imperial para sa 24 Oras nitong Lunes, September 1, sinabi ng aktres na very timely ang post niyang iyon, lalo na dahil sa mga nangyayari ngayon.

“We all know what's going on. It's about time people should speak up, people should fight for what's right, and we have to hold people accountable for all of their actions. Tama na, tama na ang pagtitiis,” sabi ni Gabbi.

Pagpapatuloy pa ng aktres, “That post is really to inspire people na be proud if it's your own hard-earned money.”

BALIKAN ANG PAGPUNTA NINA GABBI AT KHALIL SA SCOTLAND SA GALLERY NA ITO:

Samantala, tila nagkaroon naman ng globe-trotting adventure si Gabbi dahil pagkagaling sa bakasyon nila sa United Kingdom, nagpunta naman siya kasama ang kanyang pamilya at boyfriend na si Khalil Ramos sa Canada para bisitahin ang kanilang mga kamag-anak.

“I was with my parents also, and Khalil to visit family in Canada. My cousins, my titos, and then we also did a side trip in Montreal, kami ni Khalil,” saad ni Gabbi.

Sa Montreal, sa province ng Quebec, nagpunta sila sa Marché Jean-Talon, isang malaking farmer's market kung saan namili sila ng local produce at kumain ng masasarap na pagkain.

“Ang sarap ng pagkain sa Montreal. We actually extended for two more days, it wasn't planned at all. It was also a first for us ni Khalil na mag-extend ng biglaan in a trip sa sobra naming nagustuhan 'yung Montreal,” sabi ng aktres.

Panoorin ang panayam kay Gabbi dito: